السيسي للمستثمرين: لو سعرت الكهرباء على التسعير الحقيقي ممكن تدفع أكتر من كدة 10 مرات
قال الرئيس عبد الفتاح السيسي، رئيس الجمهورية، موجهًا حديثه لرجال الصناعة حول دراسات الجدوى ومدتها الزمنية، قائلًا: جدوى الموضوع محسوم، لو بعمل موضوع مش عارف أبعاده ايه والسوق بتاعه محتاج ايه، هجيب متخصصين يدرسوا.
وأشار السيسي خلال حديثه وكلمته في الملتقى والمعرض الدولي الأول للصناعة، الي أن هدفه يقول لكل الحاضرين من رجال الصناعة مبقاش عندنا وقت نفقده في الدراسات في الموضوعات المحسومة، ووجه سؤالًا: في حد هياخد طاقة أرخص من الطاقة اللي بتاخدها في مصر غاز أو كهربا؟، وتابع: لو سعرت الكهربا هتضرب 10 مرات في الرقم بتاع دلوقتي، وده مش هيحصل عشان حريصين على الاستقرار.
وأكد الرئيس السيسي: انتوا بتضيعوا وقت كتير وفرصة كبيرة جدًا واتصور أن أي تحدي في مصر وخلال السنيين اللي فاتت كان بيولد فرصة وليس عقبة لو كان عندنا الإرادة والاستعداد، في كتير من الأنشطة اللي بتتعمل بتحتاج دراسات في حاجات باينة وواضحة جدًا، زي المعدات كلها اللي بنجيبها، مشيرا إلى أن عاوزين البلد تقوم وشعبها يحس، أنا بقالي سبع سنيين في الشغلانة عارف أن المواضيع بتتأخر وبتضيع علينا فرصة.
وتابع: هندي الرخصة الذهبية لمدة 3 شهور لكل من تقدم من المستشمرين ونراجع لو الأمور مشيت كويس ولقينا حجم الأنجاز كويس نقدر نحدد، مين يكمل ومين ناخد منه الرخصة، مضيفًا آليات العمل والحوكمة مش زي ما إحنا عايزين.
يشهد الرئيس عبد الفتاح السيسى، إطلاق الملتقى والمعرض الدولى الأول للصناعة، والذى ينظمه اتحاد الصناعات المصرية فى مركز المنارة للمؤتمرات، بمناسبة مرور 100 عام على تأسيس الاتحاد.
وبدأ الآن الملتقى والمعرض الدولى الأول للصناعة، بحضورالدكتور مصطفى مدبولي رئيس مجلس الوزراء، وعدد كبير من المستثمرين المصريين والعرب والأجانب، وممثلو المؤسسات الإقليمية والدولية ذات الشأن، وأعضـاء الغرف العربية الصناعية والتجارية المشتركة، وممثلو البعثات الدبلوماسية لدى جمهورية مصر العربية، ورجال الأعمال، ومجلس إدارة اتحاد الصناعات المصرية، ورؤسـاء وأعضـاء الغرف الصناعية، والمجالس الاستثمارية، وممثلو قطاع البنوك والكيانات الاقتصادية، وأعضـاء الحكومات لعدد من الدول الشقيقة والصديقة، ولفيف من المشاركين.
