والد ياسمين صبري يكشف أسرار جديدة في حياة إبنته
كشف أشرف صبري، والد الفنانة ياسمين صبري عن تفاصيل وأسرار عن حياة ابنته الشخصية وفترة المراهقة التي مرت بها، مشيرا إلى نصحائه لإبنته أثناء دخولها قصة حب.
والد ياسمين صبري يكشف أسرار في حياة إبنته
قال أشرف صبري خلال حواره في برنامج “قعدة ستات” مع الإعلامية مروة صبري:" والدة ياسمين مكنتش موجودة خالص.. دايمًا يا في الكويت يا إنجلتزا.. لما سافرت ولما بتيجي أسبوعين الشتا وأسبوعين في الصيف.. فكنت لازم كثير أوي اقعد اقرأ، لأني طبيب في الأساس وعلم النفس".
وتابع:" كنت بشوف هعمل إيه الأم مش موجودة، ولازم أدخل في حياتها حتى حياتها الخاصة.. كنت دايمًا أقولها متخبيش عني حاجة.. لو بتحبي حد قوليلي وأنا هنصحك وإنتي اختاري".
كما أوضح أشرف صبري، نصائحه لابنته دخولها قصة حب خلال دراستها الجامعية، قائلًا:" كانت في بداية الكلية.. وكان ليها قصة حب كدة مكنتش مرتاح لها خالص.. كنت مبسوط إنها بتحكيلي، وكانت كثير تعيط وتقولي طب أنا هعمل إيه.. أقولها قوليلوا كذا، ولو رد عليكي بالطريقة كذا يبقى فعلا بيحبك".
وأضاف والد ياسمين صبري:" أنا لازم أسمع وآجي على نفسي.. كأب كنت خايف إنها تروح مني.. وأنا طبيب وعندي شغلي وحياتي مشحونة، فكنت ببقى قلقان جدا إن الفترة دي تتخطف في حتة أنا مش مرتحلها".
