هاشتاج حق محمد ضياء يتصدر السوشيال ميديا بعد وفاة شاب بالمعادي
تصدر هاشتاج حق محمد ضياء السوشيال ميديا لشاب توفي بعد أن صدمته سيارة مسرعة فى المعادي.
هاشتاج حق محمد ضياء يتصدر السوشيال ميديا بعد وفاة شاب بالمعادي
وكشفت والدته تفاصيل الواقعة فى رسالة مؤثرة قائلة،هقوووول إيه ولا إيه ولا إيه أنت عالم يارب بحرقه قلبى على ابنى أنا كنت أم وأب ليه شلت هموا وراعيتو وكبرتو وفرحت بيه عشان بقى راجلى وظهرى وسندى فرحت وقلت ربنا عوض صبرى خير بيك يامحمد ..وفى غمضه عين صحيت من النوووووم نزلت وانت نايم ومشفتكش ورجعت لقيت صحابك بيكلمونى الحقى ياطنط تعالى محمد خبطتوا عربيه اطمنى حاجه بسيطه ربنا العالم بيه بقووول يارب سترك ورضاك انت عالم انو سندى وظهرى يارب تبقى بسيطه واستنيت عربيه الاسعاف تيجى عند المستشفى وقفت مفتحووووش الباب قلتلهم ليه افتحوا الباب اسعفوه بسرعه مين معاه جوه محدش رد الدنيا لفت بيه وقلت يارب يارب يارب ..خبط ع باب الاسعاف عاوزه اكسروا افتحوا انا امه عاوزه اشوفوا وبكيت قالولى البقاء لله".
وتابعت والدة محمد ضياء "دموعى نزلت وبكيت اشوفوا مش هتستحملى قلتلهم انا امو فتحوا الباب ودخلت قفلت العربيه عليه وعليه وكشفت الغطا عن وشوا ...قلبى اندبح بسكينه وكأن حد ضربنى بجنزير حديد ع راسى وغصه فى الحنجره وبركان فى عيونى ..ابنى حبيبى اللى ضيعت عمرى عليه غرقان فى دموووو نزيف من الانف والراس والاذن وبرغم من كده مبتسم وبيضحك ..صرخت وقلتلوا ليه ليه يامحمد ياقلب أمك توجع قلبى ليه وفضلت ابوس فيه واحضنوا والدمووووع سيوووول من عيونى مغرقاه وفجأه سكت وفضلت اقووووول الحمد لله الحمد لله الحمد لله لا إله إلا الله يارب أنا راضيه وصابره والله راضيه يارب أنت هادتنى بيه يووووم ولادتوا وطلبتوا منى انهارده ميعزش عليك هيعز ع اللى خلقوا وبوستوا وغطيت وشوا ومسحت دموعى ونزلت .
وقالت "صحابوا قالولى كنا واقفين فى شارع الخمسين بناكل حواوشي ياطنط وقالهم هعدى الشارع اجيب بيبسي من الكشك لانو متعود يشرب البيبسي مع الاكل صاحبو قالو استنى هجيبلك قالو لاء انا عطشان وعدى الشارع يجيب البيبسي ورجع ورجل ع الرصيف ورجل تحت جت عربيه سايقه بسرعه جنونيه فيها ولد وبنت وعمل لفات غير طبيعيه. العربيه نطت فوق الرصيف ابنى اتنطر الناحيه التانيه غرقان فى دموووووووو صحابوا صرخوا من المنظر ابنى اتصفى دموا فى ثوانى وجاتلوا رعشه ونبضوا بيقل صحابوا جريوا عليه. رفع صباعوا وقال الشهادتين واتوفوا فى الحال عربيه الباشا المتدلع حبيب مامى اللى موتت ابنى الراجل سند امو من الخبطه طلعت فوق الرصيف والمقاصت اتكسرت نزل يجرى من العربيه هو والبنت اللى معاه ...صحاب ابنى مسكوه وخدوا بطاقتوا ورخصتوا وكان فى دوريه سلموا ليها بس بأى حق الظابط يمشي البنت اللى كانت معاه مش هى اللى كانت شاغله نغنوغ مامى ابو ظفاير وهو سايق العربيه وقتلوا ابنى ازاى حد يفهمنى بدل ما أتنجنن دى شاهد فى القضيه وكمان ركن أساسى فيها وعامل مساعد لعدم انتباه نغنوغ مامى فى السواقه اللى حب يستعرض قدامها انو راجل ويمووووت خلق الله حتى مفكروش ينزلوا يشوفوا ابنى اللى اتصفى دموا وموتوه لافكروا ينزلوا يجروا ويهربوا حسبي الله ونعم الوكيل اموا تدوووووق حرقه قلبى والمرار اللى جوايا".
