مرتضى منصور: "الأهلي مديون بـ 500 مليون جنيه ومحدش في الإعلام يقدر يتكلم"
أكد مرتضى منصور رئيس نادي الزمالك، على إن ميزانية القلعة البيضاء للجمعية العمومية القادمة بها فائض يتخطى الـ 50 مليون جنيه، داعياً أعضاء النادي لحضور اجتماع الجمعية العمومية المحدد له 23 ديسمبر الجاري لمناقشة الأزمة التي يعاني منها النادي بسبب الحجز على الأرصدة.
مرتضى منصور: "الأهلي مديون بـ 500 مليون جنيه ومحدش في الإعلام يقدر يتكلم"
وقال مرتضى منصور في تصريحات لقناة "الزمالك"، "أنا استلمت إدارة النادي بعد حسين لبيب من سنة، كنا مديونين بأكثر من 90 مليون جنيه، بس دلوقتي عندنا 50 مليون فائض في الميزانية".
وأضاف مرتضى منصور، "الأهلي عنده عجز في الميزانية بالجمعية العمومية الأخيرة يتخطى 198 مليون جنيه، دا غير القرض اللى واخدينه من البنك بـ 300 مليون جنيه أيضًا،الأهلي عنده مشاكل مالية ومديون بـ 500 مليون جنيه، بس محدش في الإعلام يقدر يتكلم في أي حاجة تخص إدارة الأهلي".
وهاجم مرتضى منصور، رئيس الزمالك، محمد عادل، حكم مباراة الأهلي وطلائع الجيش التي أقيمت مساء أمس ضمن منافسات الدوري العام، والتي انتهت بفوز الأهلي بنتيجة 2 - 1.
وقال مرتضى منصور، "ضربة جزاء الأهلي أمام طلائع الجيش، غير صحيحة وهذا ما أكده جهاد جريشة، محمد عادل عشان اتشتم، احتسبها ضربة جزاء، أنا شايفه في الماتش مرتعش، الدنيا وهو عمال يعرق، خايف يتشتم تاني".
وشدد مرتضى منصور: "لما كان موجود عصام عبدالفتاح وجمال الغندور في لجنة الحكام، كنت بكلمهم لما بيحصل اخطاء، علشان ياخدوا بالهم، مع كلاتنبرج اكلم مين ده؟، قاعد بره وبيكلم انجليزي، فين الكبير اللي اتكلم معه".
واختتم مرتضى منصور تصريحاته قائلاً، "أنا طلبت رسميًا إلغاء فقرة أحمد الشناوي وسمير عثمان، لتحليل أخطاء الحكام، ليس من أجل مصلحة الزمالك ولكن لكي ننهي حالة التعصب".
