مرتضى منصور يرد على القيعي: "لو الحكام جاملوا الزمالك سنتين فالأهلي بقاله 40 سنة بيتجامل"
انتقد مرتضى منصور، رئيس نادي الزمالك، تصريحات عدلي القيعي وإبراهيم المنيسي، عبر قناة الأهلي، بشأن رفض الزمالك استمرار كلاتنبرج، في رئاسة لجنة الحكام.
مرتضى منصور يرد على القيعي: "لو الحكام جاملوا الزمالك سنتين فالأهلي بقاله 40 سنة بيتجامل"
وقال مرتضى منصور في تصريحات تلفزيونية، "عدلي القيعي وإبراهيم المنيسي، قالوا الزملكاوية مش عاوزين كلاتنبرج، عشان هما عاوزين حكام السنة اللي فاتت والحكام يجاملوهم ليحصلوا على بطولة الدوري".
وأضاف مرتضى منصور، "أنا موافق الحكام جاملوني سنتين، ما أنت جاملوك 40 سنة، مستكتر عليا سنتين.. طبعًا مفيش الكلام ده، لكن أنا بوريك إنك بقالك 40 سنة بتتجامل، اللي بيحصل ده عيب".
وشن مرتضى منصور هجوماً جديداً على بعض جماهير الزمالك بعد رحيل اللاعب المغربي زكريا الوردي، موضحاً أن الزمالك يتعرض لحملة إلكترونية شرسة من جانب بعض اللجان على حد وصفه.
وقال مرتضى منصور، “قالوا محمود علاء فاشل واتنمروا عليه مشي، زكريا الوردي بيتنمروا عليه مش ممكن يكون جمهور الزمالك المحترم بيتنمر عليه دول العيال اللجان مشي.. واخدين عمر جابر وواخدين دلوقتي أوباما وماشيين في الطريق، واللي مش واخدينه يقولك إيه إمام عاشور مضى للأهلي مش عارف صبحي قعد مع الأهلي امبارح أي كلام، دي اللجان اللي هنا واللي هنا، خلصنا بقى من اللاعيبه، فيريرا فاشل، خلصنا من فيريرا، أمير اللي جاب اللاعيبة دي كلها فاشل، خلصنا منه رئيس النادي فاشل، فاضل مين؟ قولي بقى انت بتتكلم عن كيان، أنت عايز تهد كيان عشان العيال الفاشلة والساقطة كلها".
ووجه مرتضى منصور الدعوة إلى ممدوح عباس للدخول إلى الانتخابات للمنافسة أمامه على مقعد رئاسة نادي الزمالك، مضيفًا أنه سيدعو إلى انتخابات مبكرة علي منصب رئيس الزمالك إذا أعلن عباس عن دخوله الانتخابات، قائلاً، "أنت لو راجل يا ممدوح يا عباس انزل ضدي الانتخابات أنا بقولك أهو اعلن دلوقتي إنك هتنزل الانتخابات هعمل انتخابات رئاسية مبكرة.. عايز مني حاجة أكتر من كده بقى؟".
