مفيدة شيحة ترفض الأحكام الاجتماعية سابقة التجهيز عن المرأة
رفضت الإعلامية مفيدة شيحة، ما يعرف بأحكام اجتماعية سابقة التجهيز عن المرأة!، متابعة أن نظرة سريعة على موقف المجتمع من الستات.
رافضة تتجوز تاني تبقي مش مقتنعة بالجواز
وأضاف مفيدة شيحة، في تصريحات تليفزيونية، أن دي ما اتجوزتش أصلا تبقي معقدة او شايفه لها شوفه!، واتجوزت و اتطلقت بسرعة تبقي معيوبة !، واتجوزت واتطلقت بعد 20 سنة معاناة خربت بيتها.
وتابعت مفيدة شيحة، أن اتطلقت و رافضة تتجوز تاني تبقي مش مقتنعة بالجواز ، واتطلقت و هتتجوز تاني تبقي مش تمام!، واتجوزت رجل اكبر منها ب20 سنة تبقي طمعانة في فلوسه!، واتجوزت رجل أصغر منها تبقي متصابية و مش عايشه سنها.
وأكملت مفيدة شيحة، أن اتجوزت تاني و عندها اولاد من الجواز الأول تبقى مش ام!، وإتجوزت تاني و نفسها تخلف.. تبقى أنانية!، و إتجوزت تاني و مش عايزة تخلف تبقى ناوية ع الطلاق تاني.
وانهت مفيدة شيحة، قائلة :"تخيلوا اننا عايشين فعلا في المجتمع ده، وهل دا مجتمع سوي، وازاي نغير الصورة المشوهة دي.
