إيناس الدغيدي: عندي فكرة فيلم عن "زنا المحارم" والمنتجين خايفين منه
تحدثت المخرجة إيناس الدغيدي عن فكرة الفيلم الذي تريد تقديمه منذ فترة، لكن المنتجين غير متحمسين له.
وقالت إيناس الدغيدي خلال لقائها في برنامج "أسرار النجوم" من تقديم إنجي علي عبر إذاعة وقناة "نجوم FM": عندي فيلم الناس خايفة منه، بيتكلم عن البنات اللي حصل في حياتهم "زنا محارم" سواء مع الأب أو الأخ بيعيشوا الحياة بعد كده إزاي، بيكونوا عنيفين، وبيعيشوا بنفسية مش مظبوطة وهما مؤثرين على المجتمع، ثم إن القانون بيحاسب الأب أو الأخ كأنه اغتصب واحدة عادية، مفيش قانون خاص لهذا الموضوع، وفي فرق أكيد، أنا بناقش الفكرة دي أن الأب والأخ لازم يكون ليهم عقاب أكبر.
وتابعت إيناس الدغيدي: الفيلم قاسي، مش قاسي في المشاهد لكن في الموضوع، المنتجين بيقولوا أن دا دخول في الممنوع والمحظور وأنا مش هقدم حاجة مكرره، ومفيش منتجين عندهم الجرأة والشجاعة، عشان كده أنا أنتجت 8 أفلام لأن المنتجين بيبقوا عاوزين الفلوس مش بيبصوا للموضوع.
