بتموتوني ليه حرام عليكم.. لمياء فهمي عبد الحميد ترد على شائعة وفاتها
علقت الإعلامية لمياء فهمي عبد الحميد على شائعة إصابتها بالسرطان ووفاتها، مؤكدة أنها بخير ولا صحة لتلك الشائعات.
وقالت لمياء فهمي في مقطع فيديو عبر حسابها على موقع التواصل الإجتماعي الفيسبوك: " أنا بطمن الناس عليا بعد الشائعات السخيفة اللي انتشرت عن وفاتي نتيجة مرض السرطان، وقولتوا قبل كدا عندي سرطان وطلعت في فيديو ورديت لكن ليه بتموتوني؟ ليه تقولوا نهاية الإعلامية لمياء فهمي؟ أنا عملتلكم إيه ولا جوزي عمل لكم إيه؟.
وتابعت:" اتقوا ربنا أنتوا خضيتوا الناس عليا وأنا نفسي اتخضيت ومقدرتش أسمع باقي الكلام عن وفاتي ولا أقرأ المكتوب على مواقع التواصل الاجتماعي، وخليتوا قرايبي يعيطوا عليا وأهلي يقلقوا".
وأضافت لمياء فهمي:" الكلام صعب جدًا دلوقتي لما أموت بجد محدش هيصدق وهيفتكروا شائعة، الله يسامحكم مفيش بني آدم عنده ذرة إحساس وإنسانية يقول كدا، فوضت أمري لله".
