إلزام طليقة خالد عليش بدفع 50 ألف جنيه لامتناعها عن تنفيذ حكم رؤية ابنته
أعلن الإعلامي خالد عليش حصوله على حكم بتغريم طليقته ميما شامي مبلغ مالي بسبب منعه من رؤية ابنته، وذلك من خلال منشور له عبر حسابه الشخصي على موقع التواصل الاجتماعي "فيسبوك".
إلزام طليقة خالد عليش بدفع 50 ألف جنيه لامتناعها عن تنفيذ حكم رؤية ابنته
كتب خالد عليش: "من شهر مايو اللي فات وأنا كسبان قضية ما فرضته على نفسها أني أشوف بنتي 11 ساعة في الأسبوع وبالتالي أقدر أخدها وأخرجها زي ما كان الاتفاق اللي تم وقت الانفصال واللي على أساسه بدفع المبالغ المالية المطلوبة مني".
وتابع: "وبالمناسبة أنا كنت بشوفها فعلا أول كم شهر بعد الانفصال زي الاتفاق ولكن فجأة بدأت حجج كتير لمنعي ومنع اهلي واضطريت أطلب حقي بالقانون مش غاوي بهدلة من وقت الحكم في شهر مايو اللي فات و بعت بطرق غير رسمية و رسمية أطلب أني أنسق عشان آجي أخدها وأفسحها وأرجعها ومفيش فايدة".
وأضاف خالد عليش: "لجأت لطرق قانونية تثبت عدم رؤيتي والنهاردة خدت حكم جديد بتغريمها مبلغ مالي لعدم تنفيذها الحكم.. حكم كل معناه إني أب بيدفع اللي عليه واللي متفق عليه ومحروم من بنته برضه!.. ولحد دلوقت مستغرب جدا أن فيه حد موافق أن أم تمنع أب عن رؤية طفله وتكون بتتشرط عليه وتمسكه من أيده اللي بتوجعه ويتسقفلها كمان".
وواصل"ومتعجب جدًا أن فيه أم بترفع استئناف وتقاتل عشان تمنع حكم بيقول أن بنتها تستمتع ب باباها ويخرجها ويفسحها ومصممة أنه ينفذ رؤية قانونية فقط ويقعد معاها ساعتين زي المسجون في مكان مقفول".
واختتم عليش حديثه قائلًا: "أخر حاجتين كنت أتمناهم في حياتي أن أنا وأم بنتي نقف في المحاكم قدام بعض وإن بنتي تعيش أحلى أيام طفولتها محرومة من فسح وحنان أبوها.. ولسه عندي استعداد للحلول الودية بدون ابتزاز أو استغلال.. شكرًا أستاذ شعبان سعيد المحامي".
