مصري بالخارج يتهم بنك QNB بسرقته.. ومواطنون: أسوأ بنك ممكن تتعامل معاه
اتهم أحد المصريين بالخارج بنك QNB لسرقته بجانب سوء خدمة العملاء بالبنك.
وقال المواطن فى شكوته ،"كشخص مغترب برا بلدي اول حاجه بفكر فيها لما ارجع هي اني اروح فرع بنك قطر الوطني وألغي جميع حساباتي فيه.
مش عاوز اقول سرقه كل شهر في كل حساب بس مش معقول كل شهر اشوف كريديت المشتريات نازل فيها خصم وارجع اسدد واكملها للحد بتاعها مع العلم انها معايا ولم اقم ب أي عملية خارج مصر بها .
وتابع عن مشكلته مع بنك QNB " حساباتي الجاريه والتوفير كل شهر رسوم 100 جنيه و 60 جنيه انا مش عارف بتاع ايه وخدمه عملاء اسوء ما يكون عن خدمه العملاء بحاول اكلمهم اكثر من ساعه ونص انتظار ومفيش اي رد لدرجه اني بمل واقفل الخط وخدمه الشات انتظر نص ساعه وف الاخر يطلعوني من الشات من غير ما اخش محادثه اصلا الفكره اني برا مصر ومش عارف اوصل لفرع من فروعهم عشان اقفل جميع حساباتي ف البنك دا".
وتابع،" نصيحه لو خايف ع فلوسك اوعي تفكر تفتح حساب ف البنك دا هيخصموا منك ومش هتبقي عارف دا خصم بتاع ايه وليه وايه السبب هتحاول تكلم خدمه العملاء مفيش حد هيرد عليك يعني فلوسك هتتاخد ومش هنرد عليك.
