مرتضى منصور: أنقذت الزمالك من الإيقاف لمدة عامين وفتوح مستخبي علشان تأثير المخدرات
شن مرتضى منصور، رئيس نادي الزمالك هجوماً عنيفاً على أحمد فتوح لاعب الفريق الكروي الأول بالنادي، موضحاً أن اللاعب كاد أن يعرض الزمالك للأيقاف لمدة عامين.
مرتضى منصور: أنقذت الزمالك من الإيقاف لمدة عامين وفتوح مستخبي علشان تأثير المخدرات
وقال مرتضى منصور في تصريحات تلفزيونية، "اللي طالع بيقول إني فضحت عبد الله جمعة وفتوح، ميعرفش إن لو مكنتش قولت كدة الزمالك كان هيتوقف".
وأضاف مرتضى منصور، "فتوح قال أنا مش هلعب علشان عندي كورونا، وده كان ممكن يعرض الزمالك للإيقاف سنتين، والمنظمة الدولية أخدت إجراء، لما شافت إن الزمالك حول اللاعيبة للتحقيق".
وواصل مرتضى منصور تصريحاته قائلاً: "اللجنة سألت فتوح طلع ليه من قايمة مباراة الداخلية، وطبيعي الكورونا بتعدي، فلما سألوا على فتوح مكنش موجود، أنتم عايزين الزمالك يتوقف سنتين عشان عيل، هو مستخبي ليه ومجاش التدريب، علشان تأثير الحاجات دي يروح من جسمه".
وتابع مرتضى منصور، "الحشيش مبيعديش يا فتوح، الكورونا هي اللي بتعدي، هما دوروا عليك مش موجود، فتوح قالي مش عاوز ألعب في الزمالك، وهجيب عرض وسيبني أمشي، وأنا عملت كده علشان الزمالك ميتوقفش".
مرتضى منصور يحذر رضا عبد العال والشيشيني
هدد مرتضى منصور رئيس نادي الزمالك بمنع أي لاعب سابق في النادي أو أي إعلامي ينتمي للقلعة البيضاء من دخول النادي لأجل غير مسمى.
وقال مرتضى منصور في تصريحات تلفزيونية، "أي لاعب سابق أو أي إعلامي منتمي لنادي الزمالك هيظهر مع محمد شبانه ومهيب عبد الهادى وأحمد شوبير، مش هيدخل النادي تاني، والناس اللي ملهاش عضوية في النادي زي رضا عبد العال، هيتشال اسمه من على الحديقة اللي سميت بإسمه في النادي لو ظهور مع أحد الثلاثي الإعلامي".
وأضاف مرتضى منصور، "اللي هيظهر في برامج الأسماء المذكورة دول مش زملكاوية، دول خونة"، كما وجه رئيس الزمالك تحذيراً شديد اللهجة إلى كل من مدحت عبد الهادي وسامي الشيشيني، وأن من سيظهر مع هؤلاء الأشخاص سيكون خارج النادي.
وفي وقت سابق، أعلن مرتضى منصور رئيس نادي الزمالك انضمام إسماعيل يوسف نجم القلعة البيضاء السابق للجهاز الفني للفريق الأول لكرة القدم بقيادة البرتغالي جوسفالدو فيريرا.
