السيسي لـ"صغار المزارعين": وزارة الزراعة فيها موظفين ميقدروش يقدموا اللي بتقدموه

وجه الرئيس عبدالفتاح السيسي، التحالف الوطني لعمل الأهلي التنموي، بزيادة الاهتمام بكل المزارعين في مصر، قائلا: "الفدان كان بيجيب 12 و14 أردب قمح ودلوقتي 20 و 22 مع 150 ألف فدان دا قيمة كبيرة جداً.. في المجموع الكبير ممكن يكون أكتر من كده.. والنهارده وإحنا بنتكلم هنبقى مع بعض ومستعدين نتعاون مع الزراعة أكتر".

السيسي لـ"صغار المزارعين": وزارة الزراعة فيها موظفين ميقدروش يقدموا اللي بتقدموه

وأكد الرئيس السيسي: "كل موضوع بنتكلم فيه بنشاور عليه ونقول للناس بصوا عليه، متابعا: ماتستقلش بفول الصويا أو القصب اللي بتزرعه، لو نجحنا مع وزارة الري والزراعة عشان محتاجين نتعاون معاكم في كل المجالات، احنا بنستهدف بحلم".

وتابع الرئيس السيسي: "فدان القصب لو اتعمل بزراعة حديثة يقلل كمية المياه، لو 10% ده رقم كبير أوي، ولو قلنا إن القصب بيزود الإنتاجية بنسبة 20% أو 30%، لو استهدفنا ده وقدرتوا توصلوا لكدة بالتعاون مع وزارة الزراعة، لأن المزارع اللي بيزرع بيسيب الحاجة في الأرض خمس سنين".

أضاف الرئيس السيسي خلال المؤتمر الأول للتحالف الوطني للعمل الأهلي: "هكلمكم على تجربة أخرى .. بنوفر في المياه والهدر ويقلل السلاسل لما تاخدي حاجتك تديها للجمعية على طول ما فيش وسايط كتير.. والمزارع اللى بيزرع فدان محتاج أكتر"، مشيدا بمبادرات التحالف الوطني بقوله: "كل المبادرات اللى بتتكلموا فيها كله زى الفل ومحل تقدير ودعم مننا لكن الزراعة بالتحديد لها أهمية خاصة".