إيناس مكي تكشف سر عدم تعاونها مع أحمد مكي
كشفت الفنانة إيناس مكي، عن سبب عدم عملها مع شقيقها أحمد مكي، قائلة: انا بحب اخويا مش بحبه عشان شغله، ممكن نكون في نفس المهنة وكل واحد عايش في العالم بتاعه فنيا، لكن احنا كأخوات احنا حضن بعض دفى بعض وضهر بعض.
وأوضحت إيناس في تصريحات تليفزيونية، أنها لا تحتاج للمساعدة من شقيقها أحمد مكي، فهي تعتمد على نفسها دائما، مشيرة ان فكرة طلب شئ من شقيقها أمر غير موجود في قاموس حياتها، بالرغم من تساؤلات كثيرة من الجمهور، عن طلب المساعدة من شقيقها.
وتابعت إيناس: معندناش فكرة ان حد يطلب شئ من الثاني، لو هو عايز يتكلم ويساعد هيعمل كدة من غير ما اطلب، وتركيبة شخصيتي تخليني معرفش اطلب حاجة من حد، وانا لا استبعد العمل مع احمد في اي وقت، هو مخرج ولو شاف اي دور مناسب ليا هيكلمني.
وأشارت إيناس: انا اكبر من احمد بسبع سنين، ودخلت التمثيل قبله، وبكون سعيدة لما الناس تسأل مين فيكوا اكبر، متابعة:شهادتي مجروحة في احمد بس اكتر شخصية بحبها في الكبير هو حزلئوم، بحس انها افتكاسة فنية كوميدية صعب على اي نجم كوميدي يعملها.
