فودافون بتسرقنا.. مواطن يتقدم بشكوي للقومي للإتصالات ضد الشركة

حذر مواطن من التعامل مع شركة فودافون ، واتهامها بسرقة العملاء وعدم الاستجابة للشكاوي بجانب سوء خدمة العملاء.

وقال صاحب الواقعة مع فودافون" فودافون بتسرقنا انا مشترك في باقة سوبر ميجا 8000  في فودافون عشان طبعا عارف ان فودافون بتستهبل والفترة الاخيرة الموضوع زاد معاهم فبقيت بتابع استهلاكي اول باولالنهارده لحد الساعة واحدة كان معايا 5400 ميجا بايت ( وده كمان من كلام خدمة العملاء اللي اثبتوا ده وبالساعة وبالدقيقة) دخلت اتفرجت على ماتش الاهلي عالstream بعد ما اتفرجت ع الماتش دخلت اشوف استهلاكي ودي صورة من ابلكيشن فودافون نفسه المفروض ان الماتش استهلك 2 جيجا و36 ميجا بعيدا طبعا ان ده استهلاك اوفر واني متفرجتش ع الماتش بالكامل يعني دول يا دوب نص ساعة تخاطيف كده".

وتابع صاحب الواقعة "لو هنخصم دول من الـ 5400 ميجا اللي كانوا معايا فالمفروض يبقى معايا 3300 ميجا انا دخلت اشوف برضو ع ابلكيشن بتاعهم لقيت اللي باقي 1294 ميجا وكإجراء طبيعي كلمت خدمة العملاء وكلمت supervisor وطبعا كان الرد ان ده استهلاك حضرتك ومش هنقدر نعملك حاجة لا وكمان الsupervisor بيقولي اصل باقة السوبر ميجا دي بتحاسب حضرتك بالضعف يعني ال2 جيجا استهلاك دول المفروض يعني انهم 4 جيجا طيب ولما هما مفروض 4  جيجا يا فندم ليه ده مش مثبت ع الابلكيشن بتاعكم طيب حضرتك اعملي شكوى بكده وعايز ارجع حقي لا والله يا فندم لا ليك حق ولا ليك كمان انك تعمل شكوى يعني من الاخر سرقة وبلطجة انا معايا سكرين شوت طبعا والمكالمات مسجلة وهقدم شكوى في الجهاز القومي للاتصالات.. عارف ان مش هيبقى في نتيجة .. بس اكيد لو كل واحد عمل زيي هما هيحترموا نفسهم لان الموضوع بقى اوفر اوي من فودافون"