تطورات جديدة في الحالة الصحية لـ نجل محمد ثروت
سافر المخرج أحمد ثروت نجل الفنان محمد ثروت إلى المانيا اليوم ، وذلك لاستكمال مرحلته علاجه بعد إن اصابته بجلطة، ووضع بروتوكول خاص لعلاجه في الفترة المقبلة.
تطورات جديدة في الحالة الصحية لـ نجل محمد ثروت
وكتب صديق نجل الفنان محمد ثروت عبر صفحته الشخصية علي موقع "فيسبوك" قائلا:"من فترة كنت كتبت علي قصة الضغط العصبي و ان مافيش حاجة مستهلة وده كان بسبب حبيبي و صديقي أحمد ثروت اللي عنده 31 ولا 32 سنة و هو عنده شركة في مجال الدعاية و الإعلان ".
وتابع: "زميل صنعة زي ما بيقولوا و من شوية ضغط في الشغل في خلال السنوات اللي فاتت جات له جلطة في عينه الشمال و الحمد لله بتتحسن و لكن تطور الموضوع اكتر و جه له مرض في الاعصاب نادر اوي اوي اسمه متلازمة الميلر فيشر و ده مرض بيجي 1٪ في المليون بيخلي الجهاز المناعي يهاجم الجهاز العصبي وحاليا مأثر علي رجله الشمال تماما و اليمين بنسبة 50٪ زي ما أحمد قال لي".
و واصل: "الحمد الله عزيمة أحمد في حتة تانية خالص وبيهزر وبيضحك ومؤمن ومبسوط ان ربنا اختصه بس النهارده يوم مهم جداً أحمد سافر لألمانيا علشان المرض ده محتاج مركز متخصص لعلاجه و النهارده هيسحبوا عينه مياه من المخ علشان يحددوا الموضوع اكتر و يحطوا بروتوكول للعلاج بإذن الله".
وأضاف: "بناء علي نتيجة النهارده هيتحدد حاجات كتير اوي ، فضلا و ليس امراً ندعي لأحمد لعلكم اقرب الي الله انه يشفيه و يهون عليه و يربط علي ابوه الخلوق الجميل المطرب محمد ثروت وأمه واخته وخطيبته".
