بالفيديو .. رئيس قطار يتعدى على مجند بسبب 22 جنية والسوشيال ميديا يطالبون بإعتذار من هيئة السكة الحديد

تداول رواد مواقع التواصل الاجتماعي "فيس بوك" ، فيديو لكمسرى ورئيس أحد القطارات بهيئة السكة الحديد يتعدون على مجند فى القطار ويحاولون تقطيع ملابسه العسكرية مطالبين إياه بخلع الكمامة  ، بسبب عدم قدرته على دفع ثمن التذكرة ، مما أثار غضب رواد مواقع التواصل الاجتماعي ، وطالبو بالاعتذار للمجند .

وظهر فى الفيديو سيدة شجاعة بمئة رجل ، تتصدى للكمسرى وقامت بدفع ثمن التذكرة 22 جنيهاً ، وأدخال المجند لكرسيه بالقطار مره أخرى ، وعلق أحد من رواد التواصل الاجتماعى ، "كمسرى قليل الادب ولازم يتحاسب والافرول دة اشرف من اللى خلفوه العسكرى دة ممكن يموت ف سينا وهو بيحمى القذر دة وهو قاعد ف بيتهم بياكل شقة البطيخ بالفانلة بحمالات ، كامل الوزير لازم يحاسب الكمسرى دة وهيئة السكة الحديد تعتذر للقوات المسلحة" .

ومن جانبة علق أخر:" بدون كمامة وإهانة المجند المحترم جدا ، من قبل رئيس القطار والكمسري و تهديده بنزع الكتافات ويوقع النجوم والرجالة بتتفرج تقوم سيدة بمليون راجل تدفع للمجند ويرجع بعفه وعزة نفس يعد الفكه اللي معاه ويدفع وميقبلش حد يدفعله ، ياعم ده المجند ده بيموت علشاني و علشانك ، لازم يتحاسب" .

وفى نفس السياق كتب أخر :" ياوزير النقل بما انك طورت السكه الحديد طهرها من الأشكال دى علشان كده عيب فى حقنا كلنا ، بدون كمامة وإهانة مجند مؤدب جداا و محترم جداااا من قبل رئيس القطار والكمسري و تهديده بنزع الكتافات وتريقه انه يوقع النجوم والرجالة بتتفرج تقوم سيدة بمليون راجل تدفع للمجند ويرجع بعفه وعزة نفس يعد الفكه الا معاه ويدفع وميقبلش حد يدفعله ، المجند ده بيموت علشانك " .