غادة عبد الرازق: لو عندي تصوير في رمضان مش بصوم

قالت الفنانة غادة عبد الرازق: لو ربنا كرمني بحاجة كويسة بنزل شغل في رمضان، ومفيش حاجة اسمها عمود من أعمدة رمضان، ومينفعش أنزل كعبء على الناس، ليه أعمل في نفسي كدا؟.

مسلسل غادة عبد الرازق في رمضان

ولفتت غادة خلال حوار لها مع الإعلامية شيرين سليمان، ببرنامج سبوت لايت، المذاع على قناة صدى البلد، عن عملها فى مسلسل تلت التلاتة، قائلة: «أقوم في رمضان بتصوير الأعمال ولا أصوم لأني لا أستطيع بسبب الأدوية ومناعتي ضعيفة، وممكن أعمل من 7 الصبح لـ3 الصبح، كنت ممكن أعمل دا لما كنت صغيرة، وبصوم لما مش بيكون عندي تصوير، وبعمل زي كل الناس اللي في كل بيت مصري.

ونوهت غادة عب الرازق: «بحاول لما برجع بيتي 4 ونصف الصبح اتفرح على التلفزيون، وزمان كنت بحب أتفرج على فوزاير نيللي وشريهان، ودول من أسباب حبي للشهرة في التمثيل، مش أمثل بس، وبحب أقلد نيللي وشريهان».

وتابعت غادة عبد الرازق: «عندي فيلم كوميدي في العيد، باسم البقاء للأصيع، بمشاركة بيومي فؤاد وأحمد آدم».

مسلسل تلت التلاتة من المقرر عرضه على شبكة قنوات صدى البلد فى النصف الثانى من رمضان 2023 ويعرض على صدى البلد وصدى البلد 2 وصدى دراما.