سيدة في دعوى نفقة: "زوجى ضربني علقة موت وطردنى بعد 9 سنوات زواج"
أقامت سيدة تدعي "هند"، دعوي نفقة ضد زوجها "سعيد" أمام محكمة الأسرة بالمطرية، مطالبة فيها بفرض نفقة زوجية على زوجها لتركه لها هي وطفلها “عمر” البالغ من العمر7 سنوات.
وقالت "هند" في الدعوى التي تحمل رقم 1398 لسنة 2023، أن زوجها "سعيد" ميسور الحال ودائمًا ينفق عليهما ولا يحتاجون لشيء ويعمل مهندس بإحدى شركات الغاز الشهيرة ومرتبه يزيد عن 20 ألف جنيه".
وتابعت: "كان جاي من الشغل في يوم وكنت ماسكة التليفون عشان مشكلة مع جارتي وبحاول أحلها معاها ولما دخل فضل يطلب مني أقفل معاها ولما رفضت ضربني قدام أبني وجرجرني على الأرض وقتها كنت حامل وأنا معرفش لسه وفقدت طفلي.. وسيبت البيت وروحت لواحده صحبتي قعدت عندها لأن والدي متوفي".
وأضافت بأنها شعرت بالضيق عندما قال لها :"خليكي عند صاحبتك ومتجيش البيت مش عايزك وكلام صاحبي صح أنك بتخونيني وأكيد أنتي كنتي بتكلمي راجل مش جارتنا وهتأكد بنفسي.. فقررت أتطلق منه ومترددش وطلقني بعد 9 سنين جواز.. ومن وقتها مش عارفة أخد حق أبني منه".
واختتمت الزوجة في دعواها: "الموضوع بالنسبالي بقي صعب أنا مكنش ينفع أصبر كل دا من بعد شكه فيا وعارفة أن ابني مالهوش ذنب بس مقدرش اعيش معاه.. ومش عارفة أصرف على أبني لاني مش بشتغل وهو بيقبض 20 الاف جنيه وسايبنا مرمين ومبيصرفش علينا ولا راضي يسيبلي الشقة.. عشان كدا لجأت لمحكمة الأسرة وأقمت دعوى نفقة ضده".
