الاتحاد السكندري: تعرضنا لظلم تحكيمي واضح أمام الأهلي

وقال إبراهيم حسن فى تصريحات لبرنامج "ملعب أون تايم" مع الإعلامى سيف زاهر:" كان عندنا طموح وأمل فى مباراة الأهلى بكأس مصر، وكان طموحنا الفوز بالبطولة وكانت فى المتناول، مع احترامنا للأهلى أكبر ناد فى أفريقيا، ولكننا كنا مستعدين، كنا عايزين نحقق حاجة للنادى والجماهير، مش عيب انك تخسر ولكن العيب انك تحس إن فى ظلم عليك".

أضاف:"الحكام بيعملوا حساب لألوان الفانلات، بسبب السوشيال ميديا والجماهير اللى هتاجم لكن احنا سهل، بدليل ان الموضوع حصل واتنسى، وكذلك فاول معلول فى الهدف وكنا نقترب من الوقت الإضافى".

واصل:"حسام حسن تفوق على موسيمانى، أنا ابن الأهلى أنا وحسام لكن ككورة حتى الأهلاوية عارفين إن الزمالك كان أفضل فنياً من الأهلى في نهائي أفريقيا ونفس الشيء المباراة بتاعتى وطلائع الجيش، أنا مش ضد موسيمانى، ولكن الحالة الفنية بتقول ان مفيش ماتش اتلعب كويس باستثناء ماتش الوداد فى المغرب".

وأتم تصريحاته: الطبيعى ان الأهلى هيكسب مع أى حد، وفى ناس كانت قاعدة فى البيت وبتيجى طوارئ للأهلى وتكسب بطولات.