طارق النهري في حوار لـ"مصر تايمز": "فتح الله" مش بيتكلم أكتر ماهو بيعبر بوشه.. أول مرة أتعامل مع محمد رمضان وهو مجنون عربيات.. ويستحق لقب "نمبر1".. المخرج محمد سامي محرقش أحداث المسلسل
تألق الفنان طارق النهرى ضمن أحداث مسلسل "جعفر العمدة" للنجم محمد رمضان، الذي يعرض عرضه على قناة DMC ومنصة watch it، خلال شهر رمضان المبارك، حيث بعد غياب لـسنين كثيرة عاد الفنان إلى الشاشة لإمتاع جمهوره ومحبيه.
ويجسد الفنان طارق النهرى دور "حما" محمد رمضان ضمن أحداث العمل الذى يدور في اطار اجتماعى شعبى، ونجح في لفت الانتباه بشخصية “فتح الله” وهو ألد عدو للفنان محمد رمضان خلال أحداث المسلسل.
وتواصل “مصر تايمز” مع طارق النهري، ليكشف عن كواليس وأجواء “جعفر العمدة”، والانطباع الأول بعدما قابل الفنان محمد رمضان لأول مرة.. وإلى نص الحوار
في البداية.. حدثنا عن تحضيراتك لدور “فتح الله” بجعفر العمدة
تم اختاري من قبل الشركة المنتجة وجلسات عمل مع المخرج محمد سامي لشرح الدور وأبعاده وطريقة الاداء فكان عارف الشخصية عاملة إزاي بتبدأ فين وتنتهي فين والأحداث اللي بتمر عليها.
هل واجهك أي صعوبات خلال مذاكرة الدور؟
المخرج أداني محلول سقاني بيه الدور تماما فبقى سهل عليا الدور وكان في إضافات واحنا بنشتغل والحمدلله الدور ليس قائم الحوار هو قائم على تعبيرات الوجه والجسد وده أصعب
ما الذي يميز محمد سامي عن باقي المخرجين؟
المخرج محمد سامي مجتهد وبيحب شغله أوي وصبور جدا وبيختار الشخصيات صح ولما بيلاقي في شخصية مش مناسبة للدور فهو مش بيستمر معاها ومش بيهمه
هل تلك التجربة الأولى لك مع محمد رمضان ؟ وما انطباعك عنه بعد التعامل معه بشكل مباشر؟
أول مرة مرة أتعامل مع محمد رمضان فهو بيحب الفن أوي وبيحب الفن وبيحب اللي بيشتغل معاهم أوى وبيتعامل زي ألا فرد فرد في المسلسل ، له جانب آخر مجنون عربيات وأغاني ومهرجانات دي حاجة جانبية في حياة محمد محدش يقدر ينتقده عليها هو حر
هل يستحق محمد رمضان لقب “نمبر وان” ؟
يستحق يبقى نمبر وان لأنه بيحقق اللي مطلوب منه من نجاحات
هل أنت من محبي السوشيال ميديا؟
لا مش بحب السوشيال ميديا
ما رأيك في حرق المخرج محمد سامي لأحداث العمل؟
مفيش حرق للمسلسل هو قال على نقاط معينة فقط، والناس في الشارع بتسألني إيه اللي هيحصل الاحداث الجاية بقولهم معرفش وبيزعلوا .. طب ليه نزعل ما أسيب الناس في حالة تشوق للمسلسل .
حدثنا عن تصرف “وداد” بعد زواجها من شوقي.. هل أنت مؤيد أم معارض؟
وداد لو بنتي كنت علقتها على مشنقة .. ومنظلمش المؤلف في ستات كتير بيخلعوا أزواجهم والزوج مش بيبقى عارف واحنا بنحاول في الدراما نطرح جزء من القضايا دي لأن في ترويج مش كويس بيحصل على السوشيال ميدا
