سيدة في دعوى خلع: "مبيهتمش باللي محتاجه البيت ولا بطلبات والدته المريضة"

أقامت سيدة تدعي "ساجدة"، دعوي خلع ضد زوجها "كريم" أمام محكمة الأسرة بشبرا، مطالبة فيها بالتفريق بينها وزوجها لاستحالة المعيشة؛ لأنه لا ينفق عليها ولا يراعيها.

وقالت "ساجدة" البالغة من العمر35 عامًا، في الدعوى التي تحمل رقم 1365 لسنة 2023، أن زوجها منذ ميسور الحال، وعندما تقدم لخطبتها كان شخص لايبخل عليها بشيء، ولكن بعد الزواج أصبح بخيلًا ولكنها كانت تظن لأخر لحظة أنه حريص وليس بخيل.

وتابعت: |لما كنت بقوله أنى عايزة مصروف للبيت يزيد شوية مكنش بيعبرني وبيقولي معيش وبجيب علاج لأمي وبدفع مصاريف العيال للمدرسة..بالرغم أن والدته ليها معاش وهو مش بيصرف على علاجها خالص|.

وأضافت أن فضولها دفعها لتعرف مرتبه الشهري :"فضولى خلاني عايزة أعرف بيبقض كام وروحت الشركة وعرفت أنه بيبقض 7000 جنيه في الشهر كنت هتشل لانه قايلي بقبض 3000 جنيه فقط ومنشفها علينا وهو معاه فلوس".

واختتمت الزوجة في دعواها: "الموضوع بالنسبالي كان صدمة.. أنا مكنش ينفع أصبر معاه بعد ما عرفت انه بيعمل كدا ومش بيتقي الله فينا وممكن يبقي متجوز عليا عشان كدا لجأت لمحكمة الأسرة وأقمت دعوى خلع ضده".