بعد تجميده حساب 180 موظف.. تحذير من التعامل مع بنك الإسكندرية
حذر مواطن من التعامل مع بنك الإسكندرية بعد تجميدهم حساب زوجته وعدد كبير من الموظفين بشركة زوجته دون وجه حق ودون سبب واضح، على حد قوله.
وقال صاحب الشكوي مع بنك الإسكندرية،" بنك اسكندريةً فرع سيتي ستارز من اسوء البنوك اللي الواحد اتعامل معاها ، مراتي الشركة بتاعتها فتحت لها حساب المرتب في بنك اسكندرية بالدولار في الفرع بتاع سيتي ستارز وبقالها 4 سنين بتستخدمه من نوفمبر السنة اللي فاتت و فيه مشاكل في الحساب بتاعها بالدولار من فترة عملوا بلوك للحساب رحنا و اتكلمنا مع مدير الفرع و هو شخص غير مسؤول بالمرة بنسال ليه الحساب عليه قيود و التحويل واقف مش بيرد طب عايزين نسحب الفلوس مكنش راضي لحد لما كبرنا الموضوع و انا رحت لمراتي البنك بالعافية ادانا الفلوس ، بعد كده الشهر اللي بعديه قفلوا خدمات كتير علي الحساب زي instapay و بيتعاملوا معاملة غريبة جدا".
وتابع عن مشكلته مع بنك الإسكندرية،" قامت الشركة في شهر يناير بطلب رفع التجميد عن جميع الحسابات الخاصة بموظفين الشركة (اكتر من 180 موظف) من خلال جواب رسمي بعد شكوي اكتر من موظف اجنبي من نفس المشكلة.
وعن مشكلته مع بنك الإسكندرية ،" في شهر فبراير فضل الحساب مجمد بدون ابداء اسباب واضحة ، طلبت عمل شكوى رسمية رفضوا في الاول عمل شكوى رسمية ، بعد الحاح شديد و كل لما تقولهم انا عايز اعمل شكوة رسمية يدوها ورقة فاضية من غير رقم شكوي رسمي او اي حاجة و بيستغلوا انها اجنبية و مش بتعرف عربي كويس و لم يتم المتابعة للشكوي نهائيا رغم التاكيد على انه سيتم الاتصال بيها من موظف خدمة العملاء اول مارس لما راحت تعمل ايداع لفلوسها في الحساب ، الموظف قال الحساب مجمد ، طلبنا سبب التجميد او البلوك ، محدش ادنا اي سبب و يرفض ايداع اي فلوس في حسابها بالدولار رغم ان البنك بيسحب العمولةً بتاعت الحساب لما اشتكينا المدير المسؤول قال انه هيعمل بلوك للحساب علشان تحديث البيانات بتاعتها ، و طلب تحديث بيانات و اثبات عمل سواء بنسخة من عقد العمل او HR letter او تصريح عمل ساري ، انت مراتي كان معاها تصريح العمل ، الموظف قال مش كفايةً محتاج HR letter. المعاملةً كانت سيئة جدا في البنك و بتفضل هناك ساعتينً او 3 لمجرد الحصول على رد على سبب المشاكل دي".
وقال ،" بعد تقديم كافة البيانات و ال HR letter و نموذج طلب تحديث بيانات للفرد، الموظف قال الحساب هيشتغل خلال 2-3 ايامً عمل بعد اسبوع و راحت مراتي تعملً ايداع في الحساب على اساس انه اشتغل ، وجدت الحساب معموله بلوك و مدير الفرع اصر على عدم قبول اي معاملات على الحساب و ان الحساب هيتقفل بدون اي اسباب".
واختتم مشكلته عن بنك الإسكندرية،" رحنا فرع هليوبوليس ، الموظف هناك قال ان محصلش تحديث بيانات و ان فرع سيتي ستارز مفعلش طلب تحديث البيانات لحساب مراتي و الحساب ما زال مجمد. و حتى الان مازال الحساب مجمد من البنك بدون اسباب مع تحصيل عمولة البنك".
