محمد سامي عن بناته: شخصيتي ضعيفة معاهم
تحدث المخرج محمد سامي، عن علاقته بالأسرى الذي يشمل بناته الاثنين، ووالده ووالدته، وزوجته الفنانة مي عمر، مشيرا إلى أنه يحب أن يتدخل في حياتهم اليومية.
محمد سامي عن بناته: الاتنين معلمني الأدب و شخصيتي ضعيفة معاهم
وقال محمد سامي في تصريحات تليفزيونية:" بناتي الاتنين معلمني الأدب، وأكاد أكون أكتر أب شخصيته ضعيفة أمام ولاده، وحشري جدا في حياتهم عشان حابب أكون ملم بكل تفاصيلهم، بنزل أشتري معاهم اللبس وأشوف مذاكرتهم، وبنتي الكبيرة واخدة شخصيتي بالمللي، وسيلين الصغيرة شبه مي شكلا وموضوعا".
تطرق محمد سامي للحديث عن والده ووالدته، وقال: أنا تحت جزمة أمي وأبويا هما حياتي، ولما بتجيلي مشكلة مش بعيط غير في حضن أمي، هي مصدر قوتي وأول حد صدق فيا، وبحكي لها كل حاجة يمنعني كبريائي إني أقولها لغيرها، ومراتي شريكة حياتي طبعا بس مفيش راجل بيحب يبين ضعفه وانكساره قدامها.
وتابع سامي مشيرا إلى قوة العلاقة التي تجمعه بأهله، قائلا: إحنا بيوتنا ورا بعض وحياتنا كل يوم مع بعض، إحنا مش عيلة بتسأل على بعض في الأعياد بس، إحنا كل يوم مع بعض وبنحكي كل حاجة لبعض، ومي مراتي وروحها في أمي وهي بتدافع عنها لما يحصل مشكلة بينا.
