مربوحة ترد: واحدة جوزها بيخونها هتعمل أيه

ردت رحمة أحمد على كل الانتقادات التي وجهت لها بسبب شخصيتها في مسلسل الكبير أوي الجزء السابع.

وقالت رحمة خلال لقاء لها في برنامج "مساء الإمارات" أنا مبتأثرش بالسوشيال ميديا أوي، في كل الأحوال أنت لازم تبقى مبسوط، وانبسطت طبعا بالدعم".

تابعت:" وزي ما جالي دعم السنة اللي فاتت وفيه أساتذة كبار طلعوا واتكلموا، وشكروا في المسلسل والشخصية، والحمد لله كان كرم كبير من عند ربنا".

وسبق وقالت رحمة أحمد خلال لقائها ببرنامج "et بالعربي": "كنت مانعة نفسي إني أسمع الأخبار لكن كعادة المصري الأصيل إنه يكون الفضول قاتله فبصيت على السوشيال ميديا وما كانش فيه رد فعل قوي حصل وكل حاجة واردة ووارد يحصل حاجة ما كنتش في حساباتك وما عنديش تفسير للي حصل".
 

وتابعت متحدثة عن سبب أدائها الذي رأه البعض مفتعل: "لو راجعت نفسي في حتة صوتي كان فيها عالي بحس إني دا مكانها، واحدة جوزها بيخونها هتعمل إيه مش فجأة هتقلب رقيقة مش فجأة هتقلب صوتها حنين هي واحدة كرتونية".

وأكدت الفنانة رحمة أحمد أنها إذ عُرض عليها تقديم أجزاء أخرى من مسلسل الكبير ستوافق على الفور، معربة عن سعادتها بنجاح شخصية مبروحة والتي قدمتها في الجزء الـ7 والثامن، موضحة: أنا بشكر مربوحة من هنا لـ آخر العالم، والناس كلها هتفضل تقولي مربوحة حتى لو عملت 100 دور غيرها، ولو اتعرض عليا الكبير هوافق طبعًا.