اهدوا شوية عليه.. صديق حسن شاكوش يوجه رسالة لزوجته وجمهوره
كشف محمود سمير ، مطرب المهرجانات وصديق حسن شاكوش تفاصيل جديدة فى واقعة حسن شاكوش وزوجته قائلا “ حسن محترم جدا ومش متكبر على حد والسوشيال ميديا كبرت المشاكل”.
وتابع فى بث مباشر مع “مصر تايمز”، “ يا ريت الناس تخف شوية وتهدا شوية على حسن شاكوش وزوجته”، متابعا “ حسن لا يمكن يخسر نجوميته علشان الفلوس وحبه دهب وفلوس وكل بيت فيه مشاكل.. والناس يا ريت تهدأ شوية".
وعلق حسن شاكوش على السخرية من جملته الشهيرة لزوجته" عبسطك إزاي وانتي مش بستاني" ، موجها رسالة لفرقته وأفراد عائلته".
وقال حسن شاكوش، "الحمد الله والشكر ليك يارب علي كل حال الحقيقة الفترة اللي فاتت شاركنا معاكم مشاكل كثيرة مكنش ينفع اننا نشاركها معاكم لأن محدش يعلم شئ طلاما محدش شاف حاجة وانا برضو هفضل عند قراري مش هتكلم في أي تفاصيل مهما سمعت أي تجريح، بس حقيقي كل شخص هيتسأل قدام ربنا عن كلامة بس الحمد الله وأنا حابب اعتذر لكل أهل بيتي وجميع أفراد إدارة أعمالي وكل فرد في فرقتي علي الإساءة اللي بيتعرضولها يوميا من خلال السوشيال ميديا وخارج السوشيال ميديا".
وتابع حسن شاكوش، "وأسف تاني لكل بيت في مصر وبرا مصر علي الاساءة اللي حصلت علي السوشيال ميديا وحابب أشارك معاكم التريند بطريقة كوميدية وفيديو ترفيهي علي التيك توك بدون الإساءة في أي شخص ربنا يعلم انها حاجه ترفيهيه فقط وربنا يهدي حال الجميع والحمد الله علي كل شئ وانتظروا شغل جديد الفترة اللي جاية دعواتكم".
