من الأرياف ومش عارفين نعمل إيه.. أسرة بسيطة تستغيث من شركة توشيبا العربي

استغاثت أسرة بسيطة من شركة توشيبا العربي بعد تعنتهم فى استبدال ثلاجتهم رغم وجودها فى الضمان.

وقالت الأسرة صاحبة المشكلة،"احنا عايشين في الارياف ي جماعه دلوقتي احنا اشترينا تلاجه من شركة توشيبا العربي اللي بيقولو علي نفسهم صناع الثقه  Toshiba Egypt  من 2015 وضمانها 10 سنين ومن اول م جيبناها و هي تبوظ وتعطل  ويجو مره يشحنوها مره علينا ومره عليهم وهي داخل الضمان وماكناش بنتكلم لأجل ان التلاجه تشتغل عادي وكل شويه يسحبوها وييجو يصلحوها وآخر مره جم قالو مش هنصلحها وهنخرجها من الضمان ودا بيقولو انها بسبب ان فيها جنزره سوداء ودي بسبب جو الارياف وقالو اي حد عنده تلاجه توشيبا هتبوظ كدا كدا لان الانابيب النحاس اللي فيها مش بتستحمل جو الارياف وبعد محاوله والوقت ي جماعه جم سحبو مننا التلاجه ف نص شعبان وباقيلها مدة  داخله ف شهرين ونص وما اتصلحتش".

وتابعت ،"وقالو انهم هيستبدلوها بواحده بدالها لأنها مش موجود منها تاني والشركه بطلت تصنع من الموديل بتاعها دا وكل ما نتصل عليهم يقولو ولا تلاجه متوفره ولا تلاجه وروحنا كل الفروع القريبه مننا وكل م نروح يقولو مافيش ولا تلاجه واحنا الوقت ماعندناش تلاجه بقيلنا شهرين ونص و المعامله بتاع قسم المبيعات مش كويسه و يقعدو يطوحونا من الصيانه للمبيعات ويقعدونا نص ساعه علي الخط ويخلصو رصيدنا وفي الآخر يقولو نفس الجمله مافيش تلاجات متوفره هنعملكم متابعه انا الوقت عاوزه اعرف ازاي ولا فرع من الفروع ما يبقاش فيه تلاجات وازاي شركه كبيره عريضه زي دي تقول انهم ما بيصنعوش وبنصح بجد اي حد في الارياف ما يشتريش توشيبا لأنهم بيقولو انها كدا كدا هتبوظ لو مش السنه دي هتبقا اللي بعدها.

ارجوكم يا جماعه اللي يعرف حاجه يقولنا نعمل اي بالله عليكم محتاجين التلاجه والبيت مافيهوش تلاجه والاكل بيبوظ وقضينا شهر رمضان كله بدون تلاجه كله بسببهم ودا ي جماعه إيصال بإنهم استلمو التلاجه ودي وهما بياخدوها من البيت".