فودافون بتسرقنا علني.. مواطنون يحذرون من التعامل مع شركة الاتصالات

حذر عدد من المواطنين من التعامل مع شركة فودافون، بسبب سحبها الرصيد من العملاء دون الرجوع لهم.

وقال أحد المواطنين،"كنت الأول بشكر في فودافون وأقول انها أفضل شركة اتصالات في مصر لكن أنا دلوقتي بقول فودافون بقت تحت الصفر وبتسرقك علني كذا مرة أكون مفعل باقة والاقيهم بيخصمو من الرصيد على النت ل واخر مرة فعلت باقة 7500 سوبر ميجا الي المفروض بتقعد معايا شهر في أقل من يومين وأنا بعمل مكالمة اتفاجئت ان الرصيد خلص كنت سايب 50جنيه رصيد ع الخط بيقولي لسلفني!!! افتح التطبيق الاقي الباقة خلصانة".

وتابع ،"سحبو ال50ج الرصيد على النت كمان.. للعلم انا استهلاكي خفيف يدوبك بفتح سوشيال لكن لا بفتح يوتيوب ولا تيك توك ولا كلام دا ،فانا بقولكو محدش يثق في فودافون وتابعو رصيدكو دايما او ماتبقوش رصيد ع الخط أحسن.

وكشفت مواطنة أخري عن مشكلتها مع شركة فودافون، " انا دلوقتي عندي مشكلة مع Vodafone Egypt الحقيقه انهم بيتعاملوا مع العملاء بتوعهم بنظام  هو كده وان كان عجبكم … انا الداتا بتاعت موبايلي بتخلص بشكل مش طبيعي بسرعه جدا علي الرغم من اني مش بستخدمها غير علي السوشيال ميديا بس لا بحمل العاب ولا ابلكيشنز ولا مثلا بتفرج علي شاهد منها ولا بشتغل من موبايلي نهائي ولا اي حاجة اكتر من فيس بوك و انستجرام وبس كلمت خدمة العملاء يوم 5/7 بسبب ان باقتي القديمه خلصت بعد 15 يوم و بالمناسبة هي 36000 جيجا يعني مش رقم بسيط ابدا … ممثل خدمة العملاء كان شخص زوق جدا و قالي في اوبشن في موبايل حضرتك تقدري تتبعي بيه الاستهلاك مع الابلكشين وتشوفي هيبقي نفس الاستخدام ولا لا اللي هو ال cellular  بس حضرتك محتاجة تعمليله reset مع بداية الباقة الجديدة والحقيقه اني عملت كده فعلا و هنا بقي ظهرت المشكلة ال celluar ظهرلي اني استخدمت ١٣.٧ جيجا بس من وقتها في حين ان ابلكيشن فودافون ظهرلي اني استهلكت ٢٦.٢٠٠ جيجا يعني الضعف تقريبا "

وتابعت ،" كلمت خدمة العملاء قولتلهم الاستاذة اللي كانت بتكلمني قالتلي انا مش مسؤولة عن كلام زميلي معاكي انا السيستم عندي بيقول ان ده استهلاكك قولتلها طب ممكن اعرف خلصوا في ايه قالتلي مش متاح عندي اقولك استخدمتيهم في ايه طب ممكن تعمليلي شكوي ان استهلاكي في حاجة غلط قالتلي معنديش مسمي شكوي زي كده قولتلها هو انا بكلمك علشان تقولي انتي استهلكتي كذا ما انا عارفة من الابليكشن 
قالتلي تحبي اعملك شكوي في زميلي اللي قالك علي ال celluar قولتلها ليه يعني علشان اكدلي اني بتسرق من شركتكم لا اعملي شكوي في حضرتك لان انا مستفدتش حاجة غير انك بتقوليلى استهلاكي اللي انا معترضة عليك وقفلت معاها وانا فعلا حاسة اني بتسرق علني.

وقالت ،" وكلمت شكاوي الجهاز القومي لتنظيم الإتصالات و عملت شكوي في فودافون وممثل خدمة العملاء الخاص بالجهاز اكدلي ان من حقي اعمل شكوي و اعتراض علي استخدامي ومفروض اني هستني ٥ ايام لحد ما شوف نتيجة الشكاوي هيحصل ايه.
وبعدها كلمني حد من فودافون بخصوص الشكوي اللي عملتها في الاستاذة واكدلي انها مش غلطانة و معندهمش حاجة اسمها شكوي الاستهلاكى لما قولتله ان الجهاز القومي للإتصالات لسه ماكدلي اني من حقي اعمل شكوي و أعتراض علي الاستهلاك قالي طب لما يكلمونا بقي هنشوف القصة دي".