أحمد وفيق يكشف موقفه من المشاهد الساخنة
عبر الفنان أحمد وفيق، عن رأيه تقديم المشاهد الساخنة ومشاهد القبلات في الأعمال الفنية، مؤكدا إلى الأعمال الفنية لا يجب تقييمها أخلاقيا.
قال أحمد وفيق، خلال تصريحات تليفزيونية، "لما تبقى تيجى ساعتها هفكر فيها، هل هو مطلوب ولا مش مطلوب؟..مقدرش أقول إني ضد المشاهد الساخنة، ما معنى كلمة ساخنة؟!".
وتابع: " إحنا عندنا هنا في مصر أزمة مصطلحات، عشان كده مش بتكلم في الحاجات دي، في نجوم بيطلعوا يقولوا أنا بمثل سينما وبمثل دراما، مع إن الدراما تشمل كل أنواع التمثيل يندرج تحتها الكوميديا والتراجيديا إلى آخره".
سبق تحدث الفنان أحمد وفيق عن مسلسل "سره باتع" وكواليس التصوير وتجربته مع المخرج خالد يوسف في أولى تجاربه الدرامية في المسلسلات.
وقال أحمد وفيق، ببرنامج سبوت لايت المذاع على قناة صدى البلد، تقديم الإعلامية شيرين سليمان: المسلسل واخد لب موضوع رواية سره باتع وهي قصة قصيرة وعندي شغف أتفرج على المسلسل اللي بعمله، والمسلسل عمل ربط بين العصر القديم والجديد ودخول نابليون على مصر، وهيكون عمل جديد على الدراما المصرية وهو عمل مرهق ومكلف جدا.
وتابع أحمد وفيق: خالد يوسف بتاع تفاصيل أوي، وهو تربية يوسف شاهين، وأنا بحب أشتغل معاه وهو مش بيتساهل خالص ومبيفوتش حاجة وأنا بحب المخرج اللي زي كدة، لأن المخرج اللي بيفوت بكرهه جدا وأقلق منه جدا، وأفضل حاطط ايدي على قلبي لحد ما المسلسل يتعرض.
