"مش خرابة بيوت".. ياسمين عز توجه رسالة غامضة فى أولي حلقات موسمها الجديد
علقت الإعلامية ياسمين عز فى أول حلقات موسمها الجديد “كلام الناس" على مشاركتها فى برنامج المقالب رامز نيفر إند للفنان رامز جلال قائلة “ ده فرعون صغير منشق بس عنده كاريزما واللى عنده كاريزما أحسن من اللى عنده فلوس .. وأنا مكنتش أعرف المقلب”.
وقالت ياسمين عز،" أنا هفضل أقول اللى بقوله ومقتنعهة بيه الأصول اللى بقت يتقال عليها دقة قديمة.. أنا بنام وضميري مرتاح علشان مش بخرب بيوت .. مش بطلع أقوم الستات على الرجالة وأخرب البيوت وبره أطلع أعيش حياتي والبس الفوشيا وأعيش حياتي".
وكانت ياسمين عز، قد هاجمت الإعلامية رضوى الشربيني، وذلك خلال رسالة قوية عبر حسابها الرسمي على مواقع التواصل الإجتماعي فيسبوك، لتضمن الرسالة رد هجومي بعد نشر رضوي الشربيني تغريدة لها عبر تويتر.
قالت ياسمين عز: "كرامة ايه يا أم كرامة أنتي شطبتي محتوى وبقيتي مملة ومحتاجة تتعالجي علشان عندك تشوهات نفسية ده أنا مش بس ادوس على الفساتين الماركات، ده أنا ادوس على اى حد علشان خاطر الفرعون الصغير الكبير، بعمل كدة في الحياة العادية وبقولها في العلن".
واختتمت كلامها بتهديد قائلة: "جربي تحطي اسمي تاني في تلميحات، وتلقيحات علشان هنتفرج كلنا وقتها، انا هدوس على ايه تاني غير الماركات، واهو بالمرة نحكي الحكايات، ونسلي الناس في الأجازات".
كانت قد أعادت رضوى الشربيني نشر منشور على تويتر أدعي أنها صرحت قائلة: "البيت بفلوس الراجل وتيجي مراته تقوله اقلع الجزمة علشان السجادة، ده أنا أحط فساتيني الماركات تحت رجله يمشي عليها" ، لتنفي رضوى قولها لهذا التصريح وقالت: "وانا هقول كدة ليه، انا ست عندها كرامة، كلام العبيد ده مش بتاعي".
