والد نيرة أشرف بعد إعدام محمد عادل: "الحمدلله بنتي هتستريح في تربتها" (فيديو)

علق والد نيرة أشرف طالبة المنصورة بعد علمه بتنفيذ حكم الإعدام في محمد عادل قاتل ابنته: قائلًا: "الحمد لله بنتي ربنا رجعلها حقها وهتستريح في تربتها دلوقتي".

والد نيرة أشرف بعد إعدام محمد عادل: "الحمدلله بنتي هتستريح في تربتها"

وأوضح والد نيرة أشرف في تصريحات له بعد تنفيذ حكم الإعدام في الطالب محمد عادل: بنتي مش هترجع تاني وأنا مش فرحان لكن ده عدل ربنا عشان أحس إن بنتي أخدت حقها وهي دلوقتى أكيد مرتاحة في تربتها.

شهد سجن جمصة تنفيذ حكم الإعدام على المتهم بقتل الطالبة نيرة أشرف، أمام بوابة كلية الآداب بجامعة المنصورة في محافظة الدقهلية، وذلك بعد رفض الطعن المقدم من قبل المتهم.

تنفيذ حكم الإعدام في محمد عادل قاتل نيرة أشرف وسط تشديدات أمنية مكثفة
 

وضعت أجهزة الأمن على تشديدات أمنية مكثفة أمام المستشفى الدولي بالمنصورة، وذلك بعد نقل جثمان محمد عادل قاتل نيرة أشرف فتاة المنصورة بعدما تم تنفيذ حكم الإعدام فيه اليوم الأربعاء فى التاسعة صباحًا، وتوجهت أسرته لاستلام الجثمان.

وتعود الجريمة إلى يوم 20 يونيو 2022، عندما قرر طالب جامعى يدعى محمد عادل قتل زميلته وتدعى نيرة أشرف، أمام باب جامعة المنصورة، بسكين حاد وبطريقة انتقامية، ليتم القبض عليه.

وبعد القبض عليه قال فى التحقيقات: "أنا لازم أخلص عليها ومخليهاش على وش الدنيا، ونزلت يوم 20 - 6 2022 ومعايا السكينة، وركبت الأتوبيس، ولقيتها قاعدة هى وزمايلها، ولما شوفتها قلت دى فرصة إن أنا أريح نفسى وأخلص منها، وهى نازلة من الباص، وأول ما نزلنا هى كانت سبقانى بشوية، وأنا نزلت وكان كل اللى فى دماغى أن أروح أخلص عليها، ومشيت وراها، وأول ما قربت منها طلعت السكينة من الجراب اللى أنا كنت حاططه فيه، وشفيت غليلى منها، وفيه ناس قربوا منى علشان يحوشونى عنها، فأنا قولتلهم محدش يقرب منى، وهوشتهم بالسكينة عشان محدش يقدر يخلصها من إيدى لحد ما خلصت عليها خالص، وساعتها فيه واحد مسكنى من ضهرى وشالونى بعيد عنها، وده كل اللى حصل".

تم إحالة المتهم لمحكمة جنايات المنصورة لمحاكمته فى "23 يونيو 2022"، وفى تاريخ "26 يونيو 2022"، نظرت أولى جلسات محاكمة المتهم بمحكمة جنايات المنصورة، وفى الجلسة التالية أحالت المحكمة فى "28 يونيو 2022"، أوراق المتهم لفضيلة مفتى الجمهورية لاخذ الراى الشرعى بالاعدام.

فى يوم "6 يوليو 2022"، ورد رأى المفتى، وقضت محكمة جنايات المنصورة بإعدام قاتل الطالبة نيرة أشرف بإجماع الآراء.

وبالرغم من تصوير الجريمة صوت وصورة، فى مشهد يدمى له القلوب، إلا أن ظهر عدد من المحامين مطالبين الدفاع على المتهم، ومن أبرزهم فريد الديب بطعن أمام محكمة النقض، لتنظر النقض الطعن بتاريخ "9 فبراير 2023"، وتصدر حكم نهائى بات برفض الطعن وتأييد حكم الإعدام.

طلب محامى الفتاة تعويض مالى لأسرتها من القاتل محمد عادل قدره 10 ملايين جنيه، وقال محامى الفتاة إنه فى حالة إعدام المتهم، فسيتم مطالبة والدته وأسرته بدفع المبلغ