بعد خلافه مع طلقيته.. خالد عليش: ليه بنعتبر الأب حنفية فلوس بس

علق المذيع خالد عليش، على سرعة تطبيق قانون الأحوال الشخصية الجديد، بمناسبة عيد الأب للسماح لهم برؤية أطفاله بشكل أفضل، وذلك من خلال منشور عبر حسابه الشخصي على موقع التواصل الاجتماعي فيسبوك.

بعد خلافه مع طلقيته.. خالد عليش: ليه بنعتبر الأب حنفية فلوس بس

وكتب خالد عليش: "مش قادر أفهم ايه سبب تأخير قانون الأحوال الشخصية الجديد.. المطلوب بسيط جدا.. الأب يقدر يشوف ابنه ويصطحبه ويبقى لوحدهم مش تحت رقابة الام في مكان لايليق".

وتابع: "ايه الصعب في أن أب يشوف اطفاله يومين في الاسبوع ويعيش الطفل رعاية مشتركة بين الأب والأم المنفصلين، ليه بنعتبر الأب حنفية فلوس فقط أدفع وأنت ساكت وأخرك تيجي ساعتين تلاتة في مركز شباب تشوف طفلك زي المسجون".

واضافت: "ليه في إصرار لتقليل دور الأب المنفصل في حياة أطفاله حتى في المدرسة ميعرفش يشوفهم وبالقانون.. فيه عمر بيمر من الأب والطفل مش هيرجعو تاني".

وفي وقت سابق، أعلن المذيع خالد عليش حصوله على حكم بتغريم طليقته ميما شامي مبلغ مالي بسبب منعه من رؤية ابنته، وذلك من خلال منشور له عبر حسابه الشخصي على موقع التواصل الاجتماعي "فيسبوك".

حيث كتب خالد عليش: "من شهر مايو اللي فات وأنا كسبان قضية ما فرضته على نفسها أني أشوف بنتي 11 ساعة في الأسبوع وبالتالي أقدر أخدها وأخرجها زي ما كان الاتفاق اللي تم وقت الانفصال واللي على أساسه بدفع المبالغ المالية المطلوبة مني".

وتابع: "وبالمناسبة أنا كنت بشوفها فعلا أول كم شهر بعد الانفصال زي الاتفاق ولكن فجأة بدأت حجج كتير لمنعي ومنع اهلي واضطريت أطلب حقي بالقانون مش غاوي بهدلة من وقت الحكم في شهر مايو اللي فات و بعت بطرق غير رسمية و رسمية أطلب أني أنسق عشان آجي أخدها وأفسحها وأرجعها ومفيش فايدة".

ومن جانبها، ردت طليقة خالد عليش على تصريحه الأخير وكذبت ما قاله بشأن قيامها بمنعه من رؤية ابنته نافية كافة هذه الأقاويل، ومؤكدة أنها كانت دائمًا تسمح له برؤيتها، وأن كل ما يقوله مجرد هراء.