محمود ياسين: جدي كان بيتهاجم على موضة زمان زي القميص الشفاف دلوقتي
كشف الفنان محمود ياسين جونيور، رأيه في ظاهرة القميص الشفاف، والموضة الجديدة التي اجتاحت الوسط الفني مؤخرًا، مؤكدًا أن جده الفنان الراحل كان يتعرض لنفس الهجوم.
محمود ياسين جونيور: جدي كان بيتهاجم على موضة زمان زي القميص الشفاف دلوقتي
وقال محمود ياسين خلال تصريحات تليفزيونية عن مهاجمة الفنانين بسبب ملابسهم والموضة، أمر قديم، واجهه جده الفنان الراحل محمود ياسين، وقال:" جدي في السبعينات كان بيلبس الموضة ساعتها، وكانت الأجيال الأكبر منه مستغربة ده وبيقولوا إيه السوالف والقمصان والبنطلونات دي، فكل فترة ليها الستايل بتاعها".
وعن ظهوره مؤخرا مع الفنان بقميص شفاف مشابه لقميص الهضبة، قال محمود ياسين:" الموضوع جه صدفة ودي حاجة تبسطني إني لابس زيه، لكن بحترم انتقادات الناس وبتقبلها، ولو حسيت إني لابس أو قولت حاجة معجبتش الجمهور، بكون حريص مكررهاش تاني".
وأشار محمود ياسين:" أنا بشوف أن الجمهور لما بيحب شخص بيبقى عايزه يبقى شبهه، ولما بيشوفه بيعمل حاجة مختلفة بيتضايق، في فنانين وأنا كمان ممكن أحتاج لـ ده، بيبقى عاوز يعمل ستايل لنفسه؛ لأن الشخصية اللي بتطلع بيها دي في حفلة مثلا مش شخصيتك الحقيقية".
وتابع:" لكن الشخصية بتكون مواكبة للحالة، وساعات مبيفرقش معاهم ده إيجابي ولا سلبي، لكن أنا بيفرق معايا ويهمني الناس متتضايقش ومتفهم الآراء السلبية لحاجة زي دي".
