"مش هخليك تشتغل تاني".. رامي صبرى يرد على اتهام عمرو مصطفى بسرقة ألحانه

رد الفنان رامي صبري، على تصريحات الفنان عمرو مصطفى الأخيرة بشأن أغنية "يمكن خير" والتي قال فيها إن لحن تلك الأغنية مقتبس من أغنيته "رقصة".

"مش هخليك تشتغل تاني".. رامي صبرى يرد على اتهام عمرو مصطفى بسرقة ألحانه

وقال رامي صبري خلال وجوده ضيفاً عبر برنامج "أجمد 7" عبر إذاعة "نجوم إف إم"، مع جيهان عبد الله، "إن عمرو مصطفى من المفترض أنه صديق له"، مؤكدا: "هو عِشرة كبيرة ومن المفترض أننا أصدقاء لكن طريقته لم تعجبني وقال إني سرقت ورامي صبري مش هيسرق وأنا فنان والمبدع الحقيقي لا يسرق".

وأشار إلى أن هناك فارق بين السرقة وبين توارد الأفكار، موضحا: "قديما قدمت أغنية لعامر منيب تدعى (ده مكنش حب وهندم ليه) ثم بعدها بعام الملحن محمد يحيى قدم أغنية لعمرو دياب تشبه ألحاني".

واستطرد رامي صبري: "كلام عمرو مصطفى يدينه وعيب إن ملحن كبير ومحترم يقول على فنان تاني مفروض أنه ملحن ومطرب مش صغير يتكلم عنه بالشكل اللي مش حلو".

وأكد: "أنا لو مركز معاه هيتحاسب على كلامه بالقانون، لكن يفرق معايا الجمهور ومش هرد عليه بطريقته وأقوله ربنا يهديك واشتغل واعمل حاجات جديدة وركز في شغل حلو، والكلام ده صغير وعيب يطلع من فنان كبير زيك".

وتابع رامي صبري: "عمرو مصطفى لما بيغير من نجاح شخص بيخبط في الناس، ونفسي عمرو كصديق يركز لأنه فنان موهوب جدا وقدم أغنيات مهمة في مسيرته الفنية".

وتابع رامي صبري: "محدش فينا عاجبه خالص كلنا واقعين وكلنا مبنعملش أغاني حلوة وكلنا أغانينا مسروقة منه، وأنا لو عندي مشاكل نفسية ممكن مخليهوش يشتغل تاني بالقانون، إنما عشان أنا مهذب ومتربي كويس هعديها؛ لأن مراته ست محترمة وولاده زي أولادي".