رامي صبري عن شائعات خلافه مع عمرو دياب: "عايز جمهور الهضبة يفهم إني بحترمه"

صرح الفنان رامي صبري عن أسباب قبوله تحدي أغنية "محسود" للنجم عمرو دياب، وذلك عبر نشرة لصورة تحمل تعليق الهضبة على أداه التحدي، عبر حسابه الرسمي على موقع التواصل الاجتماعي "انستجرام".

وكتب رامي معلقا على الصورة: " أولاً أنا عملت تحدي لأغنية محسود علشان حاجتين، أولهم علشان الاغنية حلوة اوي وانا بحب النوع ده من الاغاني الحان صديقى الملحن خالد عز".

وأضاف حول الشائعات التي تنتشر حول وجود عداوة بينه وبين الهضبة: "ثانياً علشان اقول للناس كتير من الجماهير إن العلاقة بيني وبين الفنان الكبير عمرو دياب علاقة محترمة من عندي ومن عنده حتي الكلام اللي وحش اللي دايما بشوفه على السوشيال ميديا مكانش بيغير حبي واحترامي ليه بالعكس انا كنت بشتغل اكتر إني اعمل أغاني مهمة، وده حصل اخيرا من انهارده عايز أكلم الجمهور الكبير جمهور عمرو دياب يفهم اني بحترم هذا الرجل وبحترم تاريخه جدا ومفيش بنا اي عداوه او كره ذي ما بعض الناس بتقول، مبروك الألبوم يا هضبه ودايما مشرفنا وفخورين بيك وشكرا لكلامك الحلو".

وبارك رامي لصناع الأغنية قائلًا: " ومبروك لكل صناع الاغنية الحلوة دى، الشاعر الكبير تركى ال الشيخ، الملحن الكبير خالد عز، الموزع الكبير عادل حقي".

وفي سياق متصل، قام تامر حسين بدعوة كلا من المطربين رامي صبري، ورامي جمال، وتامر عاشور، ووليد سعد، إلى جانب خالد عز، للمشاركة في تحدي غناء مقطع من أغنية الهضبة الجديدة "محسود"، وتابع الهضبة التحدي منذ بدايته وقام بتشجيعهم عبر حسابه الرسمي على موقع التواصل الاجتماعي "تويتر".