انهيار والد طالب كفر الشيخ ضـحية الغدر:"طول عمره في حالة ومش بتاع مشاكل"

عثر أهالي القنطرة البيضاء التابعة لمركز ومحافظة كفر الشيخ على جثة شاب، بالزراعات ويجري إخطار الأجهزة الأمنية.

وقال والد ضحية الغدر:"عايز حق ابني.. طول عمره في حالة ومش بتاع مشاكل.. أبني راح في شربه ماية.. غدروا بيه ورمولي جثته في أراضي زراعية وحصروني عليه".
 

بينما روت والدة المجني عليه تفاصيل الواقعة:"كنت قاعدة أنا وابني بنهزر ونضحك وبيكلم معانا ويهزر وفاجأة قالى ياماما هاخد التوكتوك أشتغل عليه ساعتين كدا اجيب قرشين عشان أجيب مصاريفي..وقالى مش هتأخر عليكي ياحبيبتي".

وتابعت:"فضلت أرن عليه كتير وأخلى أخوه الصغير يرن عليه برضه مبيردش فضلت قلقانة لحد ما حد رد على أخوه ولقيته بيقولي ياماما حد تاني هو اللي رد عليا دا مش صوت أخويا بعدها فضلت أرن محدش بيرد عليا فخدت بعضي ونزلت أشوف هو في اى".

وأضافت:"بعد ما لفينا كفر الشيخ كلها عليه لقينا الناس بيقولولي أنه لقينا جثة أبنك في أرضي زراعية.. وشوفنا في الكاميرات واحدة منقبة هي اللى خدرته وخليتهم يخطفوه".
 

واستكملت:"سرقوا التوك توك وخلصوا عليه..ابني اتغدر بيه وراح في شربة ميه.. انا عايزة حق ابني اللى راح مني غدر".

وتلقى اللواء خالد عبد السلام بدر، مساعد وزير الداخلية، مدير أمن كفر الشيخ، إخطارًا من مأمور قسم أول شرطة كفر الشيخ، يفيد بعثور أهالي القنطرة البيضاء التابعة لدائرة القسم على جثة لشاب في العقد الثاني من العمر ملقى وسط الزراعات، بعد أن أبلغت أسرته عن اختفائه مساء يوم الجمعة الماضي.

وعلى الفور انتقل ضباط وحدة البحث الجنائي لمكان العثور على الجثمان، وتبين أنه للشاب عبد الله عزت عراقي، المقيم بمنطقة سخا، عُمره 18 عامًا، وطالب بالفرقة الثانية بكلية التربية النوعية بجامعة كفر الشيخ.