سيدة بدعوى خلع:"رافض أني أخلف عشان عندي السكر وخايف الطفل يورثه" (خاص)

أقامت سيدة تدعي "هدى" دعوي خلع ضد زوجها أمام محكمة الأسرة بالتجمع الخامس، مطالبة فيها بالتفريق بينها وبين زوجها لاستحالة المعيشة؛ وذلك لرفضه انجابها للأطفال. 

وقالت "هدى" البالغة من العمر 28 سنة، في الدعوي التي تحمل رقم 1864 لسنة 2022، إن زوجي أخلاقه طيبة ويحبني كثيرًا ولكن بعد الزواج حدث ما كنت أخشاه وهو بعد معرفته أني مريضة سكر بالوراثة من أمي.

وأوضحت:"أنا كنت فاكرة أنه بيحبني مهما حصل وكنت هقوله ولكن أهلي أقنعوني أنه عادي أني مقولش واكيد مش هيسيبني ولكن في النهاية قولتله بعد الزواج وكانت الصدمة انه فضل فيه خلافات بينا كتير ومكنش بينام جنمبي وكان بينام في أوضة الأطفال".

وتابعت:"أنا حاولت أتكلم معاه ولكن اتفجأت أنه قالى أنا عمري ماهخلف منك ومتحلميش أجيب منك عيال لو عايز هتجوز عليكي واجيبهم عشان مش هخلي عيالي يورثوه منك ووقتها هيورثوا الكدب والسكر ويطلعوا زيك .. فتوجهت إلى محكمة الأسرة لرفع دعوى خلع ضده" .

واختتمت الزوجة في دعواها:"الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".