صحفي يستغيث من بطش محامي بحلوان:"سيح دمي قدام أمي وجايبلي بلطجية..عايز حقي"
شهدت منطقة حلوان التابعة لمحافظة القاهرة، واقعة مأسوية بعد ما تعدي محامي واولاده الخمسة على شاب يدعي أحمد ويعمل صحفي وذلك لرفضه تواجدهم بالشقة الموجودة بالعقار ملكه والذي انتهي مدة عقدها منذ فترة قائلين له:"أنت متعرفش تعمل معانا حاجة".
وقال أحمد:"المدعو محمود محمد أبو الليل تعدى عليا في بيتي وسيح دمي قدام أمي ودى بعد الواقعة والغرز والعملية اللى عملتها وجالى تهديدات من بلطجية ومسجلين خطر دخلوا على أمي وأهل بيتي بسجاير الحشيش في بقهم.. أقسم بالله أقسم بالله أقسم بالله ما هسيب حقي بالقانون حتي لو هموت فيها".
وتداول على موقع التواصل الإجتماعي "فيس بوك"، مقطع فيديو نشره شاب يدعي “أحمد الجمل” ويعمل صحفي، يتهم من خلاله تعدي محامي يدعي "محمود.م" عليه بالضرب بمساعدة أولاده في منطقة حلوان قائلاً له :" أنت مهما عملت مش هتعرف تعمل معايا حاجة".
وكشف أحمد لـ"مصر تايمز" عن السبب الرئيسي وراء تعدي المحامي عليه بالضرب بمساعدة أولاده الخمسة:" المحامي دا مأجر مني شقة في العمارة بتاعتي ولكن عقده انتهي وأنا بلغته أنه لازم يمشي ولكن لقيته بيتربصلي كتير جدا وبيحاول يفتعل معايا مشاكل كل شوية".
وتابع "الجمل":" كان فيه لمبة في مدخل العمارة اشتريتها واحدة وهي مش بتاعته وهو مصر يفكها وياخدها وبلغته ميعملش كدا فوجئت أنه عمل كدا ولما بكلمه قالي انت متعرفش تعملى حاجة.. وحاولت أكلمه بهدوء لقيته تعدي عليا هو وأولاد الـ 5 وضربوني قدام عيلتي والجيران ومحدش كان عارف يطلعني من وسطيهم وكنت لوحدي".
وقال أحمد في منشوره:" المحامي محمود محمد أبو الليل وآخرون تعدوا عليا بالضرب بمكتبه بحلوان، في منزلي أمام أمي وجيراني.. وقالى أنا محامي مش هتعرف تعمل معايا حاجة".
وتابع:" أنا عملت محضر بالواقعة بقسم حلوان.. والواقعة كلها موثقة بالفيديو..واثق في ضباط القسم بقيادة المقدم المحترم محمد مجدي وواثق تمام الثقة في النيابة العامة وقضاء مصر النزيه المحترم وإننا في دولة قانون ومفيش حد فوق القانون مهما كان، وحقي هاخده بالقانون بإذن الله".
