بعد تصريحات عدم الإنجاب.. رامي جمال: "الحمد لله على المنع قبل العطاء"
شارك الفنان رامي جمال، منشوراً عبر حسابه الشخصي على موقع التدوينات القصيرة "تويتر" وكتب: "الحمد لله في المنع قبل العطاء الحمد لله علي كل النعم"، وذلك بعد تصريحاته بأن لديه مشكلة في الإنجاب، وأمنيته أن يصبح أبًا.
بعد تصريحات عدم الإنجاب.. رامي جمال: الحمد لله على المنع قبل العطاء
وقال رامي جمال، خلال لقائه في برنامج "حبر سري" مع الإعلامية اسما إبراهيم: "إرادة ربنا ما بتتعاندش وعرفت إني عندي مشكلة في الإنجاب، ونفسي يكون عندي ابن يكمل اسمي بس من نعم ربنا إنه بيراضيني بكل حاجة وباشوف ولاد أحمد أخويا ولادي وولاد أي حد أعرفه من قلبي ولادي سبحان الله ما بقيتش أفكر في موضوع الإنجاب كنت اللي بخاف عليه مراتي ناريمان وخفت تكون مؤذية من الحتة دي".
وتابع: "وقلت لها في مرة احنا بنعيش مرة واحدة مفيش وقت تعملي جدعة وتضيعي على نفسك حلم الأمومة الراجل ممكن يعيش عادي الست اتخلقت عندها الغريزة رقم 1 الأمومة، عمري ما هشوفك قليلة الأصل لو مشيتي بس هي زيي قالت لي كل أنواع الرزق بتيجي لكل شخص لوحده إلا الخلفة دا رزق مربوط لاتنين ولو مكتوب لي أخلف منك هخلف منك هخلف منك ولو مكتوب لي هيبقى منك ولو مش مكتوب لي مش هسيبك لإني ممكن اتجوز من شخص تاني وما خلفش فساعتها هبقى خسرت البني آدم اللي بحبه وفي الآخر هو حلم بسيط بالنسبة ما بقاش نفس التفكير بتاع زمان".
وواصل رامي جمال: "وطالما ربنا شايف إني أحسن لي مفيش أنا راضي، وجايز أخلف ويتخطف أو يبقى عنده مشكلة أو يحصل له حاجة قبله، فلازم نفكر إزاي اتمنع والحمد مش في العطاء ولكن في المنع".
وأضاف: "والله من قلبي بقول يا رب أنا راضي والله بكل حاجة حصلت لي واللي يهمني إن اللي بحبهم يبقوا كويسين وما يبقاش الموضوع عامل مشكلة جوا أهلي أو مراتي، أتمنى ميبقاش حد متضايق ليَّ لإني مش متضايق ومش الحلم الرهيب".
