وقف محاكمة مرتضى منصور بتهمة "سب" الخطيب

قررت جنح القاهرة الاقتصادية، اليوم الثلاثاء، وقف محاكمة مرتضى منصور رئيس نادي الزمالك المعزول الصادر ضده حكما بالعزل - تعليقيا في القضيتين رقمي 1208 و1228 لسنة 2023 جنح اقتصادية بتهمة سب محمود الخطيب رئيس النادي الأهلي، لحين الفصل في طلب الرد  وتحدد جلسة 18 أغسطس المقبل لنظر طلبه بردّ هيئة المحكمة أمام محكمة جنايات الاقتصادية.

وقف محاكمة مرتضى منصور بتهمة "سب" الخطيب

من ناحية أخرى، كشف الإعلامي أمير هشام، أن حسن شحاتة أحد أساطير نادي الزمالك، يقود حالياً حملة إنقاذ نادي الزمالك من أزماته الأخيرة.

وقال أمير هشام في تصريحات عبر برنامجه "بلس 90"، "في اجتماعات حصلت في الساحل الشمالي خلال الأيام الماضية بين حسن شحاتة وبعض من رموز نادي الزمالك، وحسين لبيب رئيس اللجنة المؤقتة السابقة لنادي الزمالك، بخصوص كيفية إنقاذ نادي الزمالك من الوضع الحالي خاصة على الجانب الإداري".

وأضاف أمير هشام، "حسن شحاتة وبعض رموز نادي الزمالك عندهم حالة من حالات اليأس، وبيسألوا الزمالك إلى أين؟، في ظل التخبط الإداري والإخفاقات وعدم الاعتراف بالأخطاء ومحاولة تصحيحها".

وتابع أمير هشام، "نادي الزمالك مخطوف بيديره شخص معزول واللي بيدفع الضريبة كيان الزمالك وجمهوره الوفي، النجوم القدامى دول بيتحركو دلوقتي وبيحاولوا البحث عن حلول لإنقاذ النادي".

"شكلنا بقى وحش ومحدش عايز يتحرك".. عمرو أديب يفتح النار على مرتضى منصور

 

شن الإعلامي عمرو أديب، هجومًا على مرتضى منصور، رئيس نادي الزمالك "المعزول" بسبب تصريحاته عن السحر والشعوذة وعن اللاعب إمام عاشور، والمنضم إلى صفوف النادي الأهلي مؤخرًا.

وقال عمرو أديب في تصريحات عبر برنامجه "الحكاية"، "هو مفيش حد في البلد دي قادر على مرتضى منصور.. مفيش حد يقوله عيب اللي بتقوله داخل نادي الزمالك، رايح جايبلى واحد يفك السحر بتاع بحه والله عيب".

وأضاف عمرو أديب، "مرتضى منصور جاب سيرة واحدة بالاسم إن إمام عاشور على علاقة بها، إيه التدني ده! ده نادي كرة تربوي؟ والأهم هو قاعد مع اللاعيبة ليه، اشرحوا لي قاعد معاهم بصفته إيه؟ هو بيشتغل إيه؟".
 

وتابع عمرو أديب، "هو مش في قضاء ولا دوره يقضي علينا ولا يمتثل للقضاء.. قاعد في الاجتماع يحدد من رئيس البعثة، ويقول أحمد ابني هيروح وأمير ابني متضايق، عقد الاجتماع بصفته إيه؟؟، عاوزين البلد دي فيها قانون ولا فيها مرتضى؟ هل الكلام اللي بيتقال ومتذاع ينفع أو شيء مقبول، هو مفيش حد في البلد دي قادر يكلمه أو يقول له التزم الأدب أنت جوا نادي الزمالك، شكلنا بقا وحش قدام الناس".

واصل الإعلامي عمرو أديب تصريحاته قائلاً، "محدش في البلد دي حاسس بحجم المصيبة! أنا بس اللي مجنون؟؟، مرتضى منصور كان نفسه يبقي مذيع وماسك الحديدة مش سايبها".

واستكمل عمرو أديب تصريحاته ضد مرتضى منصور قائلاً،  القضاء عزل مرتضى منصور مرتين في حكمين مختلفين، متسائلا: بأي صفة يجلس مرتضى منصور مع اللاعبين"، مضيفا:"عاوزين البلد فيها قانون ولا عاوزين فيها مرتضى منصور، اسالوا مرتضى منصور فين حزب الإخلاص بتاع الكبدة؟".