جواهر لـ"عمرو مصطفى": "المطربين مش أداة ومتقدرش تعمل حاجه من غيرهم
كشفت الفنانة جواهر عن رأيها في تصريحات الملحن عمرو مصطفى بشأن حديثه عن المطربين وأنهم مجرد أداة والملحنين فقط هم المبدعين قائلة:' المطرب أداة وقوة صوت وإحساس وحاجات كتير جدا، من غير المطرب لا يقدر يعمل حاجه ولا الملحن يقدر يعمل حاجه، ولا الشاعر يقدر يعمل حاجه.
وأضافت خلال حوارها مع الإعلامية انجي هشام في برنامج المنسي عبر قناة هي:' التلاتة بيكملوا بعض جزء لا يتجزأ من بعض.
وكشفت عن رأيها في مسألة الذكاء الاصطناعي:' لما شوفت ام كلثوم على المسرح وفرقة بتعزف وراها انبهرت، كل يوم احنا بيحصل عندنا تطور في التكنولوجيا أما موضوع الذكاء الاصطناعي لم أتابعه ولكن إذا رأيت عبد الحليم يغني مهرجانات بتقنية الذكاء الاصطناعي تبقى كارثة ولازم أستاذ مصطفى كامل يتحرك فورا في الحاجات دي".
وتحدثت عن وصفة شوربة الكرنب التي لجأت لها كي تفقد الكثير من وزنها:' خدت فترة من فترات حياتي كان نفسي ألبس زي ما بيلبسوا الناس في الافراح والحفلات كل ما اروح محل ملاقيش الحاجه اللي أنا عايزاها والحاجه بتطلع عليا وحش جاتلي حالة نفسية وكنت بروح أكل بليل طبق محشي وحلويات واكتئبت ووزني وصل لـ ١٠٥، وروحت للدكتور قولتلوا عايزة اي حاجه تخسسني.
