انهيار أسرة ضحية الغـدر بالقليوبية: "خلصوا عليه وسرقوا التوك توك" (فيديو)
شهدت محافظة القليوبية، واقعة مأسوية حيث اعتدى مسلحين مجهولين على شاب من مدينة الخانكة وطعنه خلال عمله بمدينة العبور، حيث تم حجز المصاب بالمستشفى لمدة 5 أيام في حالة خطرة، ثم توفي متأثرا بإصابته.
وقالت شقيقة المجني عليه في تصريحات لـ"مصر تايمز":"أنا كنت بكلم أمي في الموبايل فاجأة سمعتها بتصرخ وأنا مش فاهمة في أية لحد ماجريت عليهم ولقيت أمي والناس بيقولولي أن أخويا لقيوه مدبوح واللى علموا فيه كدا كانوا راكبين معاه وقتلوه وهر بوا وخافوا يسرقوا التوك توك بس سرقوا موبايله".
وتابعت:"روحنا بيه المستشفي وفضلنا نترجا الناس يساعدونا وأحنا هنديهم اللى هما عايزينه.. جسمه كان مليان طعنات والدكاترة قالولنا هيعيش ولكن بعد 3 ساعات بلغونا أنه لازم يتنقل مستشفي تانية وخدناه وروحنا نوديه مستشفي تانية.. أخويا مات عشان موبايل.. وعايزين حقه منهم لله ومش هنسكت".
كما قال والد المجني عليه:"أنا عايز حق أبني القصاص .. أبني راح عشان موبايل ..ابني طفل وعمره ما أذي حد وناجح وكل الناس بتحبه ومش بيعمل مشاكل مع حد.. أنا احتسبته عند الله شهيد عشان ابني اتغدر بيه".
وكان اللواء نبيل سليم مدير أمن القليوبية، تلقى إخطارا من مأمور مركز الخانكة، يفيد بتلقيه إشارة من المستشفى بوصول "أحمد ع"، 16 سنة، ومقيم دائرة مركز الخانكة، مصاب بعدة طعنات وفى حالة خطيرة.
وبالانتقال والفحص تبين أنه يعمل على مركبة والده وطلب منه المتهمان بتوصيلهما لمنطقة النهضة في مدينة العبور، وخلال ذلك تعدي عليه المتهمين، وسددوا له عدة طعنات استقرت برقبته وظهره بـ 55 غرزة، وتم نقله للمستشفى.
وبمواجهتهما اعترافا بارتكاب الواقعة، لمرورهما بأزمة مالية، وقررا استدراج المجنى عليه لمنطقة العبور والتعدي عليه والاستيلاء على هاتفه والمركبة توك توك، ومتعلقاته، لكونهما تشكيلا عصابيا تخصص في استدراج سائقي التوك توك لسرقتهم.
