دوقت طعم المرار من غيره.. بكاء الشيف هالة فهمي بعد وفـاة زوجها

عادت الشيف هالة فهمي، لتقديم برنامجها "ست الحبايب" على قناة "هي" وفي مقدمة حلقة نعت زوجها وهي متأثرة بعد رحيله الأسبوع الماضي.

دوقت طعم المرار من غيره.. بكاء الشيف هالة فهمي بعد وفـاة زوجها

قائلة: "إيهاب مكنش بس جوزي ولا عشرة عمري كان أخويا وأبويا وابني، أنا اتجوزته وأنا غيرة، أنا عشت معاه أكتر ما عشت في بيت أبويا".

تابعت: "لما أبويا مات محستش بالإحساس اللي حساه دلوقتي، وحتى أمي لما ماتت زعلت طبعا لكن غير اللي حاسه بيه دلوقتي، أنا الفترة اللي فاتت دوقت طعم المرار حتى بوق المايه طعمه مر حاسه أني لوحدي رغم كل الناس اللي حواليا".

وأضافت هالة فهمي: "أول مرة أطلع حلقة وهو مش قاعد يتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي كان يركز وقت البرنامج ويطلب يفتحوا التليفزيون".

واختتمت كلامها: "كنت أرجع وأفضل أحكيله، هو عشرة العمر وحبيب العمر، هتقولولي هو في مكان أحسن، وارتاح ويارب يجعل كل الآلم اللي كان فيه في ميزان حسناته".