طارق النهري يحذر من طرح مسلسل "جعفر العمدة 2" في 2025
الخميس 17/أغسطس/2023 - 01:53 م
كشف الفنان طارق النهري عن تفاصيل الجزء التاني من مسلسل " جعفر العمدة" قائلا: "اللي اعرفه لحد دلوقت أنهم لسه بيكتبوا لكن محدش كلمني لسه في أي حاجه خالص، هيكون موجود شوقي وكارم وحمادة وصفصف طبعا الملكة ومحمد رمضان أساسي ومعرفش مين لسه بعد كده".
طارق النهري يحذر من طرح مسلسل "جعفر العمدة 2" في 2025
وأضاف طارق النهري في تصريحات تليفزيونية لبرنامج " on the top"'، فرحت جدا وهي مخاطرة لان أنت عشان تعمل ده لازم تحقق نجاح أكبر من اللي حققته الجزء الاولاني، الكاتب هنا عليه عبىء لأنه هيتطور شخصيات جديدة وهيبني شخصيات وأنت كممثل عليك أنك تعيش الحالة اللي كنت فيها قبل كده وتشوف هتعمل ايه بعد كده".
وتابع الفنان طارق النهري: "دايما مسلسلات الأجزاء مش كلها ناجحة، ومسلسل " جعفر العمدة" لو نزل في 2025 ممكن يفقدوا الحماس بتاع تواصل الموضوع إنما لو اتعمل فيما بعد برضو هيحتاج تطوير جديد خالص بقي".
