سيدة بدعوى طلاق للضرر:"سرق دهبي عشان يشرب حشيش ورماني وأنا حامل" (خاص)

أقامت سيدة تدعي "رشا" دعوي طلاق للضرر ضد زوجها أمام محكمة الأسرة بشبرا، مطالبة فيها بالتفريق بينها وبين زوجها لاستحالة المعيشة؛ وذلك لقيامه بالتعدي عليها بالضرب وسرقتها.

وقالت "رشا" البالغة من العمر 26 سنة، في الدعوي التي تحمل رقم 1895 لسنة 2023:"من أول يوم جواز بينا وهو حنين وبيعاملني أحسن معاملة ولكن بعد ما عرف أني حامل وهو مكنش عايز أطفال وأن المصاريف هتزيد دخل في نوبة اكتئاب وبقي بيشرب سجاير وفيما بعد اكتشفت أنه بيشرب حشيش لما لقيت السيجارة في الزبالة".

وأوضحت:"أنا كنت فاكرة أنه بيحبني ونفسه يخلف مني ولكن بقي بيضربني ويعمل أى حاجة عشان يموت أبني في بطني.. دخلت أهلى بينا عشان يجبولي حقي منه ..ولكن اتفجأت أنه قالى أنا عمري ماهخلف منك ومتحلميش أجيب منك عيال..وخبر حملي كان صدمة كبيرة لي".

وتابعت:"صحيت من النوم ملقتش الدهب بتاعي ولا فلوسي ورماني في الشقة من غير فلوس وراح يشتري بيها حشيش وهرب ولما سألت أهله عليه قالولي منعرفش عنه حاجه ومتبرين منه".

واختتمت الزوجة في دعواها:"الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى طلاق للضرر ضده".