الجثث عايمة فوق الميه.. غرق مقابر جحدم بأسيوط وأهالي الموتى:"مش عارفين أهلنا راحوا فين"
شهدت محافظة أسيوط واقعة مأسوية بعد انفجار أحد خزانات المياه الموجودة داخل محطة الكهرباء في قرية جحدم التابعة لمركز منفلوط، ما أسفر عن غرق المقابر وظهور رفات الموتى.
واستغاث أهالي الموتى عقب رؤيتهم لصناديق بها جثامين ذويهم من مقابر قرية جحدم:"جثامين الموتي خرجت من المقابر بسبب المياه اللي في كل حتة بعد انفجار أحد خزانات المياه التابعة لمحطة الكهرباء حاليا أحنا بنحاول انتشال هذه الجثامين وإعادة دفنها من جديد".
وأضافوا:"الجثث بقت عايمة على وش المياه.. وطلعت من المقابر وبقت عايمة في الترعة.. وفيه صناديق تانية كمان طلعت من مكانها في المقابر ومن امبارح وفيه ناس مش لاقيين جثث قرايبهم اللي مدفونين.. مش عارفين أهلنا فين".
وطالب أهالي محافظة أسيوط بشفط المياه من مقابر قرية جحدم التابعة إلى مركز منفلوط، حتى تتم إعادة ترميم المقابر من جديد، ودفن جثامين الموتى في صناديق جديدة داخل المقابر، عقب تلف الصناديق القديمة التي تم دفنهم بها.
