"بعد فيديو الفلوس".. خال عروسة الشرقية:"دي كانت فقرة في الفرح"
تداول عدد كبير من رواد مواقع التواصل الإجتماعي مقطع فيديو لحفل زفاف العريس الخليجي والعروسة المصرية، في محافظة الشرقية، والذي أثار حالة من الجدل في الساعات القليلة الماضية، حيث ظهر عريس خليجي وهو يلقي على عروس مصرية مبلغ من الأموال وتسارع المعازيم على التقاطها من على الأرض.
"بعد فيديو الفلوس".. خال عروسة الشرقية:"دي كانت فقرة في الفرح"
وفجر خال العروس مفاجأة خلال تصريحات خاصة لـ"مصر تايمز" قائلًا:"انتوا كبرتوا الموضوع أوي والموضوع مكنش كدا وكسرتوا فرحتها اللي حصل دا كان فقرة من ضمن الفرح ومكنش قصده حاجة هي اللي طلبت منه يلبس دا علشان يبقى شكلهم جديد ومختلف وانا كنت رافض دا من البداية اصلا".
وتابع:"مروة جوزها معاه الجنسية المصرية والسعودية.. والفلوس اللي رماها عليها دي من فرحته بيها وخدها في حضنه بعدها ليه مشوفتوش الحتة دي وبصيته بس على الوحش.. المصور منه لله هو اللي نشر فيديو زي دا عشان كل اللي يهمه التريند".
وعبر خال العروس على واقعة إلقاء الأموال من قبل الزوج قائلًا:" أنا زعلان من الطريقة اللي رمى بيها زوجها الفلوس عليها.. أنا اللي دافع نص فلوس الفرح أصلا وموضوع خليجي ومش خليجي دا وأنه بيصرف عليها كدب احنا تجار قد الدنيا وبنتنا متعلمة وعينها مليانة".
