سحر نوح تكشف التفاصيل الأخيرة في حياة محمد نوح

كشفت سحر نوح ابنة الموسيقار الراحل محمد نور، إنها اخر من حضر اللحظات الاخيرة مع والدها قبل رحيله، مشيرة أنها لا تستطيع أن تنسى هذا المشهد طوال حياتها. 

وقالت سحر خلال لقائها مع الإعلامية سهير جودة عبر صفحتها الرسمية على فيسبوك، إنه قبل وفاة والدها كان هناك صالون ثقافي في المنزل بحضور عمها ومجموعة من اصدقاء والدها، مشيرة: "بابا قبل وفاته كنت بقوم من جنبه كان بيقولي رايحة فين متغبيش عني يا حبيبتي، وبعد كدة فهمت انه بيودعني".

وأضافت سحر: "بابا اخد شاور وحلق دقنه، وبعد لما الناس مشيت قعدت قرأت معاه وكنا بنحكي سوا مع بعض، وبعدين وصلته للسرير عشان ينام واول ما دخل على السرير توفى».

وتابعت: "اول ما شوفت بابا كده فضلت اقوله قوم يا بابا، لحد ما زوجته سمعتني وهي طبيبة ففهمت انه توفى وانا جسمي كان بيرتعش وقتها بشكل غريب، وانا بقيت هشة جدا بعد الموقف ده، مبيقدرش دلوقتي اشوف حد مريض او ادخل مستشفى، حتى مبستحملش اشوف حيوان من الحيوانات الاليفة اللي بربيها يكون تعبان، انا بقيت اضعف من اني اوجه المشهد ده مع اي كائن".

واشارت سحر: "انا كانت تحاول ان تتحدث مع والدها وقامت بالاتصال بكل اصدقائه الذين كانوا متواجدين معه قبل وفاته، وبالاهل، وفي لحظات امتلأ المنزل بالناس، بابا توفى الساعة 2 وربع صباحا 17 رمضان، في نفس معاد وفاة جدتي وعلى سريرها مثلما كان يتمنى، ومن هذه اللحظة بقيت واحدة تانية وعلاقتي بالاشياء انتهت  تماما زي ما كان بابا بيقولي الانسان هو اللي بيدي قيمة للحاجة مش العكس".