أحمد عيد لمحمد صلاح: "لو مش عارف قيمة ساسي يبقى مبتعرفش تقيم لاعبين"

شن أحمد عيد عبدالملك نجم نادي الزمالك السابق، هجوم كبير على محمد صلاح المدير الفني السابق للفارس الأبيض عقب التصريحات التى أدلى بها عن التونسي فرجاني ساسي لاعب نادي الزمالك، وعن القيمة المالية التى يستحقها.

وكتب أحمد عيد على صفحته الرسمية على موقع التواصل الاجتماعي "تويتر" : "هو مين اللي بيقول ساسي أخره 10 مليون، ده اللي بيباصى للي جنبه بياخد 15،  وفي مدافعين بيخدو 20، احنا مبنلعبش أيام الزمن الجميل فوقوا معانا كدة، وبعدين لو مش حاسس إنك عندك لاعب كواليتي مختلف عن أي حد يبقي المشكلة فيك، ومبتعرفش تقيم لعيبة".

وكان محمد صلاح قد قال خلال مداخلته ببرنامج "البريمو"، الذي يقدمه الإعلامي إسلام صادق، بقناة "تن": "فرجاني ساسي لا يستحق إلا 10 أو 12 مليونًا في السنة الواحدة، ولكن 22 مليون في الموسم، لأ نهائيا، لأنه موسمين في الزمالك لم يقدم شيئا للفريق، ورحيله عن الزمالك مش هيفرق لو متواجد البديل".

وتابع: "قبل فرجاني ساسي الزمالك كان يحصل على بطولات وأنا مبقطعش في حد أنا بتكلم عن نادي الزمالك الكبير، ولكن لا يأتي أحد بعد الشهرة، يقول أنا عايز أحصل على الراتب الفلاني، وتاني يقول أنا عايز اتساوى بده مش هينفع".