"كنا فى ابتلاءات واتحرمنا من حاجات".. غدير حسان ترد على انتقاد العربية المرسيدس هدية زوجها لها

ردت الإعلامية غدير حسان، على الانتقادات التي وجهت لها بعد أن أهداها زوجها سيارة ماركة مرسيدس في عيد ميلادها، مؤكدة على أنهما مرا بابتلاءات عديدة.

وقالت عبر صفحتها الشخصية على موقع التواصل الاجتماع "فيسبوك" : "لقيت تعليقات غريبة جدا وحقد وغل غير مبرر وغير منطقي من البعض مع إن والله لو يعرفوا اللي ضاع من عمري وعمر زوجي أو الابتلاءات اللي مرينا بيها على مدار حياتنا قبل ما نعرف بعض هتقولوا يستاهلوا الخير كله واليسر كله، بعد كل العسر"

وتابعت: "للأسف الناس مش شايفه غير اللي متصدرلها وأنا وزوجي عندنا مبدأ اتربينا عليه وهو إن مشاكلك وابتلاءاتك بتاعتك محدش له ذنب يعيشها معاك وإن مهما كان بيحصل في حياتنا لازم نبث الأمل للي حوالينا ونصبر دائما على أي ابتلاء من الله عز وجل لأننا مؤمنين بقول الله تعالي وبشر الصابرين وإحنا الحمد لله صبرنا وشوفنا كتير لحد ما ربنا مَن علينا ببعض عوض وسند وزي مأنا كنت محتاجة الاقي حد ياخدني ويساعدني على الطريق الصح مع الله هو كمان كان محتاج ده فربنا هدانا لبعض كعوض على ما فات فليه بقى الغل والحقد"

وقالت: "نصيحة لوجه الله اللي يتمنى الخير لغيره ويفرحله ويدعيله بالبركة ربنا هيباركله ويرزقه المثل واللي يصبر على حاله ربنا هيعوضه خير عوض وهيجبره جبر يتعجب هو نفسه منه".

وقالت: "والله والله والله على قد الابتلاء بييجي العوض تخيلوا بقي إحنا كنا مبتلين إزاي وأكيد فيه حاجات ربنا حرمنا منها ولكن ادانا اللي يعوضها من 24 قيراط بتوعنا فتفائلوا وتمنوا الخير للغير وافرحوا بيه، اتأكدوا إن كل واحد له 24 قيراط بتوعه في الصحة والعافية والمال والبنون وحسن الخلق ومحبة الناس أو العيلة أو علو الشأن أو غيره فارضى بما قسمه الله لك"