"والدتي لا تؤذي أحدًا".. ابنة أسما شريف منير تدافع عن والدتها
دافعت لارا السكري ابنة أسما شريف منير عن والدتها بعد كثرة الهجوم عليها بعد ظهورها في مهرجان القاهرة للدراما في دورته الثانية حليقة الرأس .
"والدتي لا تؤذي أحدًا".. ابنة أسما شريف منير تدافع عن والدتها
علقت لارا من خلال منشور نشرته لوالدتها عبر موقع تبادل الصور و الفيديوهات " انستجرام " قالت " كل من يهاجم والدتي عبر مواقع التواصل الاجتماعي يحتاج الى نمو عقلي، فوالدتي لا تؤذي أحدا و هي امرأة ناضجة تتخذ القرار التي تريده خاصة أنه جسدها .
و أضافت " والدها الفنان شريف منير يوافق على شكلها الجديد و يحبه لأنه أب عظيم، و كرهك لوالدتي لا يؤثر عليها فهي امرأة شجاعة .
و اختتمت قائلة " والدتي تلهمني بشكل يومي و فخورة أنها رائعة الى هذا الحد .
و كانت علقت أسما شريف منير على ردود الأفعال على ظهورها في مهرجان القاهرة قالت " طيب أول حاجة شكرا على كل ردود الفعل، الوحشة و الحلوة كلها، ساعات موقف زي ده بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكرا لكل الناس اللي كانت خايفة و قلقانة عليا، و ممكن أقولهم الحكاية من وجهة نظري ببساطة .
و أضافت " أولا الحكاية جت بالصدفة جدا و كان قرار لحظي و انفعالي جدا و مش ندمانة عليه، تاني حاجة أنا مش بعمل كدة علشان أطلع تريند بس كنت عارفة اني هبقى تريند، فيه فرق كبير بين عايزة و عارفة، على فكرة التريند ده نقمة مش حاجة حلوة خالص بس مش هدخل في الجدل ده دلوقتي، تالت حاجة أنا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل و قوة و ارادة و تحدي و جرأة و شجاعة و كل حاجة ايجابية في الكون .
و اختتمت “ اخر حاجة الجماعة اللي مكبرين الموضوع ( ده شعري مش شعرك )، حاجة كدة بجد أخيرة ( أنا عاجبني شكلي جدا بصراحة، شكله جامد و مديني ثقة في نفسي جدا )، بحبكم اوي بجد ” .
